Äielge ūiatsyz ūsynys jasaǧan dep mandatynan aiyrylǧan Asqar Sadyqovtyŋ mälımdemesıne bailanysty “Aq jol” partiiasy tüsınıkteme berdı.
Partiianyŋ aituynşa, Sadyqov partiia töraǧasy keltırgen derekterden basqa özın partiia qatarynan şyǧaruǧa negız bolarlyq eş däiektıŋ joqtyǧyn alǧa tartypty.
“Ol tıptı, harrasment faktılerın joqqa şyǧaryp ta otyrǧan joq. Sonyŋ özı ǧana ony partiia qatarynan şyǧaruǧa jetıp jatyr.
Alaida, partiia töraǧasy Sadyqovqa taǧylǧan aiyptar etikalyq normalardyŋ būzyluy ǧana emes, özge de salmaǧy auyr jaittarǧa qatysty ekendıgın tılge tiek etkenı beker emes.
Mysaly, A. Sadyqovtyŋ üşınşı tūlǧalardyŋ paidasy üşın öz ökılettılıgın asyra paidalanu äreketı anyqtaldy. Mūndaida etikalyq normalardy būzu azamattyq qūqyqtyq salaǧa köbırek qatysty bolsa, lauazymdyq ökılettıktı asyra paidalanu qūqyq qorǧau organdarynyŋ qūzyretıne jatatyn qūqyqtyq qylmys bolyp tabylady, sondyqtan partiia töraǧasynyŋ mälımdeuınde būl faktıler körsetılgen joq edı”, delıngen partiia tüsınıktemesınde.
Bıraq, onyŋ barlyǧy da plenumda talqylanyp, Sadyqovtyŋ äreketterı partiia bedelıne nūqsan keltıruı mümkın degen qorytyndy şyǧarylǧan.
“Mäsele A.Sadyqovtyŋ deputat retınde memlekettık satyp alu prosedurasyna aralasuy jäne öz tanystarynyŋ tenderlerde jeŋıske jetuın qamtamasyz etu talaptary turaly bolyp otyr (äkımderdıŋ bırınıŋ A.Sadyqovtyŋ memlekettık satyp alu nätijelerıne yqpal etuge tyrysqany jönınde resmi hattary qolymyzda bar).
Adal biznes pen şynaiy bäsekelestıktı qoldaityn «Aq jol» dempartiiasy osy jaǧdaidy saraptai kele mūndai äreketter partiianyŋ Jarǧysy men Baǧdarlamasyna qaişy keledı dep esepteidı. Sonymen qatar, A.Sadyqovtyŋ äreketı sybailas jemqorlyq qylmystaryn jasau täuekelderın tudyrady.
Talqylauǧa qatysqan A.Sadyqov ärıptesterınıŋ pıkırıne män bermei, deputat retınde qandai da bır äreket jasauǧa qūqyly ekenın aityp, öz qatelıgın moiyndaudan bas tartty.
Osyǧan bailanysty plenum ony partiiadan şyǧaru turaly şeşım qabyldady. Plenumnyŋ ökılettıkterın jäne qabyldanǧan şeşımnıŋ zaŋdylyǧyn Qazaqstan Respublikasynyŋ Ortalyq sailau komissiiasy qabyldap, nätijesınde A.Sadyqov deputattyq mandatynan aiyryldy.
Osylaişa, A.Sadyqovtyŋ özıne qatysty şeşımnıŋ negızsız ekendıgı turaly äŋgımelerı eş däiekke süienbegen bos sözder ǧana”, dep habarlady “Aq jol” partiiasy.
Ūqsas jaŋalyqtar
