Shymkentte sybaılas jemqorlyqqa qarsy kúres qarqyndy

626

Shymkentte paraqorlyq pen jymqyrý faktileri boıynsha quqyq qorǵaý, qurylys jáne bilim salasy kósh bastap tur. Odan keıin densaýlyq, salyq jáne jer qatynastary tizimde bar. Bul týraly Sybaılas jemqorlyqqa qarsy is-qımyl agenttiginiń Shymkent qalasy boıynsha departamenti basshysynyń birinshi orynbasary Talǵar Serikbaev aıtty. Sondaı-aq, ol bıylǵy 8 aıdaǵy sala qyzmetiniń nátıjelerimen bólisti.

 

Atqarylǵan jumystarmen tanystyrǵan departament basshysynyń birinshi orynbasary jyl basynan beri 63 qylmys anyqtalǵanyn atap ótti. Olardyń 45-i sybaılas jemqorlyq sıpatynda. Jymqyrý faktileri boıynsha – 17, paraqorlyq boıynsha 30 qylmys tirkelgen.

Talǵar Serikbaev - Sybaılas jemqorlyqqa qarsy is-qımyl agenttiginiń Shymkent qalasy boıynsha departamenti basshysynyń birinshi orynbasary

Sondaı-aq, Talǵar Serikbaev para alý, berý faktisiniń jolyn kesýge yqpal etken azamattarǵa arnaıy syıaqy qaralatyndyǵyn jetkizdi. Ol úshin, 1424 koll ortalyǵy jumys isteıdi. Máselen, buǵan deıin sybaılas jemqorlyqtyń aldyn alǵan 11 Shymkenttik turǵynǵa 2 mıllıon teńge shamasynda syıaqy berilgen.

Talǵar Serikbaev - Sybaılas jemqorlyqqa qarsy is-qımyl agenttiginiń Shymkent qalasy boıynsha departamenti basshysynyń birinshi orynbasary

Qazirgi tańda departament tarapynan bıznes pen ınvestorlardy qorǵaý jobasy iske asyrylýda. Sondyqtan, kez kelgen kásipkerlik obektisi memlekettik organdar tarapynan qysym kórgen jaǵdaıda departamentke júginýine bolady. Aıtyp óteıik, jyl basynan beri qala turǵyndarynan departamentke 1083 aryz-shaǵym túsip, tıisti sharalar atqarylǵan.

 

Perızat Ortaı                      

Pikirler
Redakııa tańdaýy