"Aq jol" demokratııalyq partııasynyń frakııasy Ulttyq qor qarjysyna zııan keltirgenderdiń qoldaryn shabýdy usyndy. Bul týraly Májilis depýtaty Azat Perýashev Májilistiń respýblıkalyq bıýdjetti talqylaǵan keshegi otyrysynda málimdedi dep habarlaıdy "Adyrna" ulttyq portaly.
"Aq jol" demokratııalyq partııasy on jyldan beri Ulttyq qor qarajatymen tym erkin qarym-qatynasty shekteýge shaqyrady. Aǵymdaǵy jyldyń birinshi jartyjyldyǵynda Ulttyq qorǵa túsetin túsimder 2020 jylmen salystyrǵanda 3 esege qysqardy, degenmen bıyl munaı baǵasy kóptegen jyldarmen salystyrmaly túrde rekordtyq kórsetkishke jetti", - dedi "Aq jol" QDP frakııasynyń jetekshisi.
Ol Esep komıtetiniń aqparaty boıynsha, aǵymdaǵy jyldyń birinshi jartyjyldyǵynda Ulttyq qordyń shyǵystary túsimderden de asyp ketkenin atap ótti.
"Biz ózgelerdiń - áli týylmaǵan qazaqstandyqtardyń aqshasyn jep jatyrmyz. Sonymen qatar, 2022 jyly Ulttyq qordyń jınaqtary JIÓ-niń 30 %-ynda tómendemeıtin qaldyqqa jaqyndaıdy, al 2023-24 jyldary olar osy shekten de shyǵady dep kútilýde", - dep tolyqtyrdy A. Perýashev.
Onyń aıtýynsha, usynylǵan úsh jyldyq bıýdjette Ulttyq qordan beriletin transfertter somasyn kezeń-kezeńimen tómendetý qarastyrylǵan. Alaıda, bıýdjettiń jyl saıynǵy naqtylanýy kezinde bul soma eki esege derlik ulǵaıady (máselen, 2021 jylǵa nysanaly transfert mólsheri 850 mlrd. teńgege ulǵaıtyldy, degenmen bastapqyda bıýdjette 1 trln. teńge bekitilgen).
"Sonymen qatar, aǵymdaǵy jyly Esep komıtetiniń tekserýleriniń nátıjeleri boıynsha trıllıon teńgege bıýdjet qarajatynyń tıimsiz paıdalanylǵany anyqtaldy. Qurmetti aýdıtorlar men tártip saqshylary, endi jaı qol qýsyryp otyrmaı, mundaı ister úshin jaýaptylardyń, obrazdy túrde aıtqanda, qoldaryn shabý kerek shyǵar. Al Ulttyq qordyń shekti mólsheri sheńberinen shyǵý boljamyna keletin bolsaq: bul boljam úkimettiń jospary nemese "maqsaty" retinde emes, aldyn alýǵa tıisti aǵymdaǵy alańdatarlyq úrdisterdi baǵalaý retinde qabyldaný kerek", - dep túıindedi depýtat.
"Adyrna" ulttyq portaly.
