Demografııalyq aqýaly jyldan-jylǵa jaqsaryp kele jatqan Shymkentte mektep tapshylyǵy sezilýde. Osyny eskergen bılik ókilderi búginde memlekettik jeke menshik áriptestik jobasyna kóp kóńil bólip otyr. Sonyń arqasynda bıylǵy jańa oqý jylynda qalada 19 jekemenshik mektep qoldanysqa berildi. Qala ákiminiń birinshi orynbasary Shyńǵys Muqan shahardaǵy jeke ınvestorlar esebeninen salynǵan bilim oshaǵyn aralady.
Jańa 2021 – 2022 oqý jylynda Shymkent qalasynda «ADAN» jekemenshik mektebi óz esigin bolashaqtyń ıesi – búgingi búldirshinderge aıqara ashap, qarsy aldy. Jańa mektepte 600 bala tárbıe men bilim ala alady. Mektep oqý ǵımaratymen, akt jáne sport zaldarymen, medıınalyq pýnktpen, ashanamen qamtylǵan. Keshenniń 24 synyptyq bólmeleri oqý zamanaýı jabdyqtarymen qamtamasyz etilgen.
Shyńǵys Muqan – Shymkent qalasy ákiminiń birinshi orynbasary
Zamanaýı úlgide boı kótergen mektep oqýshylaryna arnalǵan sabaqtar qazaq jáne orys tilinde júrgiziledi. Oqýshylarǵa aǵylshyn tilinen damytýǵa baǵyttalǵan qosymsha sabaqtar, sprottyq jáne shyǵarmashylyqqa baýlyıtyn shahmat, dombyra, horeografııa úıirmeleri jumys júrgizedi.
Asylbek Bashenov - «ADAN»school mektep dırektory
Aıta keteıik, qalada sapaly bilim berý úshin jaǵdaı jasaý maqsatynda 2021-2025 jyldar aralyǵynda keshendi josparǵa sáıkes, 72 mektep qurylysy júrgiziletin bolady.Nátıjesinde, jańa oqý jylynda apatty mektep máselesi tolyǵymen joıylyp, úsh aýysymdy mektepter sany 14-ten 9-ǵa tómendedi.
NazkenSkandar
