Semeide mūǧalımderdı köşe sypyruǧa jıbergen lauazymdy tūlǧalar äkımşılık jauapqa tartyldy. Olardyŋ arasynda qala äkımınıŋ orynbasary Dmitrii Garikov ta bar, dep habarlaidy bılım jäne ǧylym ministrlıgınıŋ baspasöz qyzmetı.
Būǧan qosa, ministrlık äkım orynbasaryna qatysty tärtıptık şara qoldanu turaly hat joldaǧan.
Sondai-aq Semei qalasy bılım bölımınıŋ basşysy Natalia Fesenko sögıs aldy jäne äkımşılık jazaǧa tartyldy.
№9 orta mekteptıŋ direktory N.V. Tegai men №43 orta mektep direktorynyŋ mındetın atqaruşy A.V. İskrina da äkımşılık jauapkerşılıkke tartyldy.
Eske salsaq, 16 qazanda äleumettık jelıde Semeidıŋ №43 mektebınde oqu prosesıne kedergı keltırıp, mūǧalımderdı senbılıkke köşe sypyruǧa jıbergenı turaly aqparat tarady.
Bılım ministrlıgınıŋ qyzmetkerlerı äkımşılık ıstı qarady. Tekserıs barysynda senbılıkke №43 mekteptıŋ mūǧalımderınen bölek, №9 mekteptıŋ mūǧalımderı de jıberılgenı anyqtaldy.
Mūǧalımder qalany abattandyru jūmystaryna Semei qalasy äkımınıŋ orynbasary Dmitrii Garikovtyŋ haty negızınde şyqqan. Hatta ūstazdardyŋ senbılıkke taŋǧy saǧat 09.00-da şyǧuyn qamtamasyz etu tapsyrylǧan. Är mektepke aumaqty tazartu jūmystaryn jürgızu üşın belgılı bır uchaske berılgen. Tapsyrmanyŋ oryndaluyn baqylau äkımdıktegı bölımşelerdıŋ bırıne jüktelgen.
Osydan keiın bılım ministrlıgı oblystar men respublikalyq maŋyzy bar qalalardyŋ äkımdıkterıne mūǧalımderdı qyzmetınen tys jūmystarǧa tartuǧa, oqu prosesıne kedergı keltıruge bolmaityny turaly hat joldady. Sebebı būl "Pedagog märtebesı turaly" zaŋǧa qaişy keledı.
Ūqsas jaŋalyqtar
