Shymkent qalasynyń «Asar» shaǵynaýdanyndaǵy № 90 mektepte QR Prezıdentiniń Qazaqstan halqyna arnaǵan Joldaýyn nasıhattaý boıynsha Qarataý aýdanynyń aktıv májilisi ótti. Qala ákimi Murat Áıtenov osy maqsatta buǵan deıin qala aktıvimen, 3 aýdannyń turǵyndarymen kezdesken bolatyn. Murat Dúısenbekuly Qarataý aýdany turǵyndaryna da Joldaýdyń basym baǵyttaryn túsindirip, aldaǵy josparlardan habardar etti.
Jıynǵa zııaly qaýym ókilderi men ardagerler, máslıhat depýtattary, azamattyq qoǵam ókilderi, quqyq qorǵaý organy qyzmetkerleri qatysty.
Jıynda aldymen M.Áýezov atyndaǵy Ońtústik Qazaqstan Ýnıversıtetiniń prorektory, doent Sáken Májinbekov baıandama jasady. Sáken Aralbaıuly elimiz saıası jáne áleýmettik-ekonomıkany qalpyna keltirip, ulttyq mańyzdy áleýmettik-ekonomıkalyq jobalardy iske asyryp jatqanyna toqtalyp ótti.
Qala ákimi M. Áıtenov májiliste Joldaý aıasynda shaharda júzege asatyn jumys josparlaryn baıandady.
– Memleket basshysy Joldaýda 70-ke jýyq tapsyrma berdi. Joldaýda aıtylǵan 7 baǵytty qala kóleminde júzege asyrý boıynsha naqty sharalar qabyldanady. Ekonomıkany ártaraptandyrý mindettelip otyr. Qala ekonomıkasyn damytý maqsatynda kásipkerlikti qoldaýǵa 7 mlrd teńge baǵyttalyp, 2250 bıznes ókiline qoldaý kórsetiletin bolady. «Bıznestiń jol kartasy» jáne «Qarapaıym zattar ekonomıkasy» baǵdarlamalary aıasynda búginge deıin 57,4 mlrd teńgege 1 788 joba qarjylandyrylyp, 7,2 myń jumys orny ashyldy. Iaǵnı, qalada ashylǵan árbir úshinshi joba atalǵan baǵdarlama aıasynda iske asty. «Qarapaıym zattar ekonomıkasy boıynsha bıylǵa josparlanǵan 80 jobanyń 61 jobasy qarjylandyryldy. Qalanyń eksporttyq áleýetin arttyrý maqsatynda «Juldyz» ındýstrıaldyq aımaǵynda 60 iri joba, «Standart» jeke ındýstrıaldyq aımaqta 30 joba iske asyrý kózdelýde. Halyqty azyq-túlik ónimimen tolyq qamtamasyz etý maqsatynda qalada 2 agroındýstrıaldy aımaqtyń qurylysy bastaldy. Aýylsharýashylyq ónimderin tereń óńdeýde «Bozaryq» tamaq ónerkásibi ındýstrıaldy aımaǵy qurylyp, quny 23 mlrd teńgeni quraıtyn 21 joba iske asady, – dedi qala ákimi.
Prezıdent Joldaýy – strategııalyq qujat. Qala ákimi Joldaýdy iske asyrýǵa barlyq memlekettik organdar, qoǵamdyq uıymdar jumylatynyn málimdedi. Joldaýda qamtylǵan basymdyqtardy halyqqa jetkizýde arnaıy toptar qurylýda. Olardyń quramyna aýdan ákimderi, máslıhat depýtattary, zııaly qaýym ókilderi jáne basqa da belsindi azamattar engizilip otyr.
