Fristail mogul boiynşa sport şeberı, türlı jarystardyŋ jeŋımpazy Gebert Aleksandr mälımdeme jasap, özın qūramadan ketuge mäjbürlegenın aitty. Onyŋ sözınşe, jattyqtyruşysy aqşany kartasyna jıberuın talap etken. Sonymen qatar jattyqtyruşy tarapynan qysym körgenın mälımdedı, dep habarlaidy Kznews.kz aqparat agenttıgı.
Gebert 2020 jyly Ūlttyq qūramadan ketken. Soŋǧy jarty jyl qūrylysşy bolyp jūmys ıstegen jäne ülken sportqa qaita oralǧysy keletının aitady. «Menı 2020 jyly öz erkımmen qūramadan ketuge mäjbürledı. Eger būlai jasamasam, “jaramsyz” dep tauyp, arnaiy bappen qūramadan şyǧaratynyn aitty. Bıraq mūny ädıletsızdık dep sanaimyn. Sebebı men sport şeberımın, bırneşe jarystarda jeŋdım. Jaqsy nätijeler körsettım», – dep mälımdedı ol öz Instagram paraqşasynda. Geberttıŋ sözınşe, jattyqtyruşy sportşylarǧa berılgen aqşany öz kartasyna audarudy talap etken. «Är mausym soŋynda qūramadaǧy sportşylarǧa aqşa berıledı. Būl – jiyn kezınde tamaqtanuǧa bölıngen qarjynyŋ qalǧan bölıgı. Qarjynyŋ nelıkten berılgenın komanda kapitanynan sūrap bıldım. Däl sol uaqytta bızdıŋ bas jattyqtyruşymyz messendjer arqyly alǧan aqşamyzdy 1 saǧattyŋ ışınde öz kartasyna jıberudı talap ettı. Eşkım bas tarta almady. Men jattyqtyruşy jäne sportşy arasynda dūrys qarym-qatynas boluyn talap ettım. Bıraq jauap retınde balaǧat söz estıdım», – dep qosty ol. Sportşy nelıkten qarjyny jıberu kerek ekenın sūraǧanynda, qorlap, psihologiialyq qysym körsetken. Sonymen qatar mūndai qysymnyŋ halyqaralyq jäne respublikalyq jarystar kezınde, daiyndyq barysynda da bolatynyn aitady. «Būl jattyqtyruşynyŋ bılıksızdıgın körsetedı. Eşkım mūny aitpaidy. Men sportqa 14 jylymdy arnadym. Alǧan jaraqattar da az emes, bıraq qaita tūryp, elımnıŋ namysyn qorǧadym. Ūlttyq qūramadan quyluǧa laiyqty emespın dep sanaimyn. Menıŋ qolymda qūramaǧa qosylu jaily barlyq anyqtamalar men nätijeler bar», – dedı Aleksandr Gebert. Būdan bölek, sportşyǧa jeŋıl atletikalyq manej batutynda jattyǧuǧa tyiym salynǧan. Qazır Geberttıŋ jattyǧularyn otbasy men jaqyndary qarjylandyryp otyr. https://youtu.be/Yg1xPb6y-2UŪqsas jaŋalyqtar
