Dalanews jäne Dalainside redaksiialarynyŋ täuelsız jurnalisterı elımızdegı ırı qūrylys kompaniiasy tarapynan qysym körsetılıp jatqanyn mälımdep, ündeu jariialady.
Dalanews redaksiiasynyŋ mälımdeuınşe, «G-Park» qūrylys kompaniiasy jäne onyŋ basşysy Ǧabit Satmaǧambetov turaly materialdar jariialanǧannan keiın qysymǧa tap bolǧan. Redaksiia osyǧan qatysty QR Bas prokurory B.Asylovqa, QR Mädeniet jäne aqparat ministrı A.Balaevaǧa, IIM ministrı E.Sädenovke, «Ädıl Söz» Halyqaralyq söz bostandyǧyn qorǧau Qoryna, Qazaqstan jurnalister Odaǧyna, Qazaqstan Transparensi qoryna, Internews-ke, barlyq aqparat qūraldary men jurnalisterge resmi ündeu jasady.
Daudyŋ basy «G-Park» qūrylys kompaniiasynyŋ basşysy Ǧabit Satmaǧambetovke qatysty şyqqan materialdan bastalǧan.
Astana qalasynyŋ äkımı Jeŋıs Qasymbektıŋ 2023 jylǧy 22 jeltoqsandaǧy «G-Park kompaniiasyna jaŋa nysandardyŋ qūrylysyn bastauǧa tyiym salu» turaly barlyq BAQ-ta taratylǧan jariia mälımdemesı, eks äkım Altai Kölgınov otstavkaǧa ketkennen keiın qūrylys kompaniiasynda problemalar bastalǧandyǧyn, būrynǧy polisiia qyzmetkerı Ǧ.Sätmaǧambetovtıŋ jaǧdaiy mäz emes tūjyrymdy rastai tüsken.
Sebebı, aldymen «G-Gark» JŞS «Jeneva» MJK nysany boiynşa boiynşa josyqsyz qūrylys saluşylar tızımıne engızıldı. Al odan keiın rūqsat qūjattary joq TK qūrylysyna qatysty janjaldar, 2023 jylǧy tamyzda keŋsede üleskerlerdıŋ mitingılerı oryn aldy.
2023 jyldyŋ 25 jeltoqsanynda DALA INSIDE telegram arnasynda «Quat» oqiǧasy qaitalanady. «G-Park» qūrylys kompaniiasynyŋ basşysy Ǧabit Satmaǧambetov Dubaida jasyrynuǧa köştı» taqyrybymen material jariialanady.
Atalǧan material şyqqannan keiın «G-Park» basşysy Ǧabit Satmaǧambetov özınıŋ Instagram paraqşasynda Astanada ekendıgın jariialap, redaksiiaǧa jariialanymdy joqqa şyǧaru turaly talap jıberedı.
Satmaǧambetov onymen toqtamai 2024 jyldyŋ 4 qaŋtarynda Astana qalasynyŋ polisiia departamentıne aryz jazady. Ol jurnalisterdıŋ negızsız şabuylyna ūşyrap, Dubaiǧa barmaǧandyǧyn alǧa tartady.
Osydan keiın Astana qalasy polisiia Departamentınıŋ jedel tergeu basqarmasy 365info.kz jäne DALA INSIDE redaksiia qyzmetkerlerınen jauap alu üşın olardy Almaty men Astana qalasynan şaqyra bastaǧan. BAQ turaly Zaŋnyŋ 20-babyna qaramastan, tergeuşınıŋ negızgı maqsaty jurnalisterdı dauly qūrylys kompaniiasy turaly aqparatty qai derekközden alǧanyn aşuǧa mäjbürleu bolǧan.
Qazırgı uaqytta redaksiia jurnalisterın tıntu, keŋse tehnikasyn alyp qoiu jäne qamauǧa aluǧa sanksiia beru qaupı bary aityldy. Astana qalalyq Polisiia departamentınıŋ tergeu basqarmasy naqty küdıktınıŋ joqtyǧyna jäne redaksiianyŋ aqparatty jariia etpeu turaly eş qūjatqa qol qoimaǧanyna qaramastan, atalǧan ıs turaly aqparattyŋ aşylǧany üşın jauapkerşılık bolatynyn qaita-qaita eskertuge tyrysypty.
Öz kezegınde Dalanews, DALA INSIDE jäne «Qala men Dala» gazetınıŋ qūryltaişysy öz jūmysyn atqarǧan redaksiia jurnalisterın aiaǧyna deiın qorǧauǧa niettı.
«Bız «Ädıl Söz» Halyqaralyq söz bostandyǧyn qorǧau qoryna jäne Qazaqstan Jurnalister Odaǧyna jäne joǧaryda atalǧan barlyq lauazymdy tūlǧalarǧa jügınemız jäne qūrylys sektorynda tuyndauy mümkın problemalardyŋ aldyn aluǧa, Qazaqstan halqynyŋ müddesın bırınşı kezekke qoia otyryp jūmys ıstep jatqan jurnalister men BAQ-qa qysym jasau faktısıne nazar audarudy sūraimyz. Bız qazır Ǧabit Sätmaǧambetov biznesındegı barlyq yqtimal benefisiarlardy aşu, Qazaqstannan zaŋsyz syrtqa qarjy şyǧarudyŋ yqtimal joldaryn zertteu, kompaniiadaǧy baǧa qūrylymy, qūrylysqa rūqsat beru qūjattary men jer uchaskelerın alu räsımderıne qatysty zertteu jūmysymyzdy odan ärı jalǧastyramyz», – delıngen ündeude.
Ūqsas jaŋalyqtar
