Maŋǧystaulyq käsıbi fotograf Salauat Jänıbekūly jol apatyna ūşyrap, bır aiǧa juyq es-tüssız jatqan. Ol komada jatqan kezınde tırılerge beimälım älemdı körgenın aitty, dep habarlaidy “Adyrna” ūlttyq portaly Express Qazaqstan. saityna sılteme jasap.
Salauat jol apatyna 8 mamyr künı tüsken. Tasjolǧa şyǧyp ketken tüiege kölık soqtyǧysyp, ūzaq uaqyt auruhana tösegıne taŋyldy. Därıgerler onyŋ janyn ölımnen araşalap qalu üşın baryn saldy.
Qadır tünınıŋ qarsaŋynda kölık apatyna tüstım. Kölık tüiege soǧylypty, men artqy oryndyǧynda otyrǧanmyn. Jol apaty turaly esımde eşteŋe joq, — deidı Salauat Jänıbekūly.Aituynşa, Aqtau qalasyndaǧy oblystyq auruhananyŋ jansaqtau bölımınde 56 kün jatqan. Al onyŋ 25 künı es-tüssız ötken.
"Salauat sen 25 kün komada jattyŋ sonda ne kördıŋ" dep menen jaqyndarym jiı sūraidy. Közımdı aşsam appaq būlttyŋ ışınde jür ekenmın. Aldymda ülken qaqpa boldy. Sol esıktıŋ aldynda köp adamdar kezekte tūr eken. Men de kezekke tūrdym, kezegım jaqyndap esıkten kıre bergenımde, esıktıŋ aldynda bır aqsaqal maǧan, "Balam, qaida barasyŋ, keiın qait, senıŋ kezegıŋ älı kelgen joq" dep qaitardy. Men elden qalmai esıkke kıruge qaita ūmtyldym, sol kezde älgı aqsaqaldy ata, "balam, saǧan būl jerde oryn joq" dep keudemnen qatty iterıp jıberdı. Men esıkten kıre almaǧan soŋ jan-jaǧyma qarasam, öte biık tas qamal eken. Ol jerden ötu mümkın bolmady", —deidı Salauat Jänıbekūly.Onyŋ esınde būdan basqa eşteŋe qalmaǧan. Aituynşa, alystan qūran oqylǧan dauys üzılıp-üzılıp estılgendei bolypty. Jol apatyna tüsken kölık jürgızuşısın de, tüienıŋ iesın de keşırgen Salauat "men üşın bıreu qinalǧanyn qalamaimyn" deidı.
Auruhanadan şyqqanyma 3 ai boldy. Allaǧa täube, qazır jaǧdaiym jaqsy. Menıŋ aman qalǧanym bırınşı Allanyŋ şapaǧaty, atalardyŋ aruaǧy, halyqtyŋ tılegı, därıgerlerdıŋ eŋbegı, emşılerdıŋ emınıŋ arqasy dep oilaimyn, — deidı ol.Onyŋ mamandyǧy fotograf. Densaulyǧy qalpyna kelısımen Aqtaudaǧy özın emdegen därıgerlerdıŋ kündelıktı tırşılıgın suretke tüsırsem dep jür. Qatarǧa qosylysymen käsıbi mamandyǧyna qaita kırıspek niette.
Ūqsas jaŋalyqtar
