Aqtaý mańynda apatqa ushyraǵan ushaqqa qatysty Embraer kompanııasy málimdeme jasady, dep habarlaıdy "Adyrna" ulttyq portaly.
Kompanııa kommerııalyq, iskerlik jáne áskerı ushaqtardy shyǵarýǵa mamandanǵan álemdegi jetekshi ushaq óndirýshilerdiń biri. Ol 1969 jyly Brazılııada qurylǵan.
Embraer kompanııasy qaza tapqandardyń otbasyna kóńil aıtty.
"Qazaqstannyń Aqtaý qalasyna jaqyn jerde Embraer 190 ushaǵymen bolǵan oqıǵa bizdi qatty kúızeltti. Osy oqıǵadan zardap shekkenderdiń otbasylaryna, dos-áriptester men jaqyndaryna kóńil aıtamyz. Biz jaǵdaıdy muqııat qadaǵalap otyrmyz jáne tıisti organdarǵa qoldaý kórsetýge tolyq daıynbyz", – delingen kompanııanyń resmı saıtyndaǵy habarlamada.
