Aqtóbe oblysynyń ákimi Ońdasyn Orazalın jalpyqalalyq kúzgi aǵash otyrǵyzý baǵytynda uıymdastyrylǵan «Óz aǵashyńdy otyrǵyzyp, qalamyzdyń kógaldanýyna úlesińdi qos!» akııasyna qatysyp, jemis aǵashtaryn otyrǵyzdy dep habarlaıdy "Adyrna" ulttyq portaly.
Sharaǵa Aqtóbe qalasynyń ákimi Ashat Shaharov, oblystyq basqarmalardyń mamandary men qala turǵyndary qatysty.
"Memleket basshysynyń elimizdegi orman alqaptaryn úlkeıtý tapsyrmasyna oraı, oblysymyzdyń aýmaǵyn jasyl jelektendirý boıynsha kóptegen jumystar atqarylýda. Esterińizde bolsa, bıyldyń ózinde barlyq aýdandardyń orman sharýashylyqtaryna jańa tehnıkalar men qajetti qural-jabdyqtar satyp alyndy. Qalamyzdyń kórkin ashatyn gúlderdi egý, aǵash-taldardy otyrǵyzyp, kútip-baptaý, ósirý árbir turǵynnyń mindeti. Óz aýlasyn kógaldandyryp, jasyl jelekpen kómkerý - bul mádenıettiliktiń belgisi", - dedi O.Orazalın.
Oblys ákimi sodan keıin Tuńǵysh Prezıdent atyndaǵy saıabaqta orman sharýashylyqtary jáne aýdan kásipkerleriniń qatysýymen uıymdastyrylǵan kóp jyldyq gúlder men kóshetter jármeńkesine qatysyp, sharýa qojalyqtarynyń jaı-kúıimen tanysty.
Shara sońynda Ońdasyn Orazalın jalpyqalalyq kúzgi aǵash otyrǵyzý akııasynyń mańyzyna toqtalyp, osy sharany jylyna eki ret júıeli túrde ótkizip turýdy aıtyp ótip, qala ákimine birqatar tapsyrmalar berdi.
"Adyrna" ulttyq portaly.
