İzrail Somaliden bölınıp şyqqan Somalilendtı täuelsız memleket retınde resmi türde moiyndaǧan alǧaşqy el atandy, dep habarlaidy "Adyrna" ūlttyq portaly Gazeta.ru-ǧa sıltep.
Būl turaly İzraildıŋ syrtqy ıster ministrı Gideon Saar X äleumettık jelısınde mälımdedı.
Onyŋ aituynşa, taraptar tolyqqandy diplomatiialyq qarym-qatynas ornatyp, elşıler taǧaiyndap, elşılıkter aşuǧa kelısken.
«Ministrlıkke ekı el arasyndaǧy bailanysty türlı salada institusionalizasiialau boiynşa jedel şaralar qabyldaudy tapsyrdym», — dedı Gideon Saar.
İzrail premer-ministrı Biniamin Netaniahu Somalilendpen auyl şaruaşylyǧy, densaulyq saqtau jäne tehnologiia salalarynda yntymaqtastyqty dereu keŋeituge niettı ekenın mälımdedı.
Al özın-özı jariialaǧan Somalilend prezidentı Mohamed Abdullahi İzraildıŋ şeşımın tarihi sät dep atap, elınıŋ «Avraam kelısımderıne» qosylatynyn aitty. Būl kelısımder İzrail men bırqatar mūsylman elderı arasynda diplomatiialyq qatynas ornatuǧa baǧyttalǧan.
Sonymen qatar, halyqaralyq deŋgeide moiyndalǧan Somali prezidentı Hamza Abdi Barre İzraildıŋ būl qadamyn eldıŋ egemendıgıne qasaqana qol sūǧu dep baǧalady.
İzraildıŋ şeşımın Egipet, Türkiia jäne Djibuti syrtqy ıster ministrlerı somalilık ärıptesımen ötken törtjaqty telefon äŋgımesınde aiyptady. Olar Somalidıŋ tūraqtylyǧyna nūqsan keltıretın bırjaqty äreketterden saqtandyryp, mūndai qadamdardyŋ halyqaralyq qūqyq pen BŪŪ Jarǧysy tūrǧysynan qauıptı presedent qalyptastyratynyn atap öttı. Sondai-aq palestinalyqtardy tarihi otanynan köşıru josparlaryn qabyldamaitynyn mälımdedı.
