Saılaýaldy baǵdarlamasy aıasynda ázirlengen «Ózgerister joly: Ár azamatqa laıyqty ómir!» atty Jol kartasynyń besinshi baǵyty Shymkent qalasyndaǵy shalǵaı eldi mekenderdi kórkeıtý.
Máselen, shalǵaı ornalasqan shaǵynaýdandardy sapaly elektr jaryǵymen qamtamasyz etý maqsatynda 2025 jylǵa deıin 8 qosalqy elektr stanııa iske qosylady.
Táýelsizdiktiń 30 jyldyǵyna oraı bıylǵy jyly onyń úsheýi iske qosylsa, onyń bireýi tamyz aıynda shahardyń soltústik bóligin sapaly elektr qýatymen qamtıtyn «Bozaryq» qosalqy stanııasy paıdalanýǵa berilgen bolatyn.
Budan bólek, 12 eldimekenge aýyz sý qubyry tartylady. Osylaısha, aýyz sýmen qamtý kórsetkishi 100 paıyzǵa jetkiziledi. Osy jyldar ishinde qala turǵyndary tolyǵymen kógildir otynǵa qosylsa, saǵatyna 250 myń metr kýbty quraıtyn avtomattandyrylǵan gaz taratý stansasy osy jyldyń qazan aıynyń sońynda iske qosylady.
Sonymen birge qalada 84,4 shaqyrym bolatyn káriz júıesi salynady. Osylaısha bes jylda kárizben qamtý kórsetkishin 65 paıyzǵa jetkizý kózdelýde.
