"Bul qaza Lýkashenkony álsiretip, Pýtınge paıda ákeldi": Makeıdiń jumbaq ólimine kim kináli?

3791
Adyrna.kz Telegram

Reseılik-ızraıldik saıasatker, qoǵam qaıratkeri Leonıd Nevzlın óziniń telegram-arnasynda Belarýs syrtqy ister mınıstri Vladımır Makeıdiń jumbaq ólimine Kreml bıliginiń qatysy bar ekenin jazdy, dep habarlaıdy "Adyrna" ulttyq portaly. 

"Mınıstr Makeı kútpegen jerden qaıtys boldy. Ol Lýkashenkonyń kishkentaı Makıavellıi, ıntrıga sheberi jáne Batyspen bas kelissóz júrgizýshisi edi. Eshteńemen aýyrmady. Keshe Rım papasynyń elshisimen sóılesti, jospar qurdy. Kóptegen qyzyq kezdeısoqtyqtar oryn alyp jatyr. Kremldegi aqparat kózderiniń aıtýynsha, dál qazir Pýtın Lýkashenkony aýystyrý josparyn daıyndap jatyr. Al RLI ınstıtýty Pýtın Belarýs armııasyn baqylaý úshin Lýkashenkony joıǵysy keletinin jazdy. Kremlge jaqyn telegram-arnalar Reseı eki armııany óz qolbasshylyǵyna biriktirýge umtylyp jatqanyn, biraq bul Lýkashenkony eldi basqarý múmkindiginen aıyrady, al ol qarsylyq tanytyp jatyr dep jazýda. Makeıdiń ólimi Pýtınge paıdaly. Bul qaza Lýkashenkony álsiretedi, onyń densaýlyǵy da qatty nasharlady. Endi ony prezıdenttikten alyp tastaý tipten ońaıyraq bolady. Aıtpaqshy, kúni keshe ǵana Makeı Lýkashenko jáne Belarýs Qaýipsizdik Keńesiniń hatshysy Aleksandr Volfovıchpen UQShU otyrysyna birge ushyp, Erevannan qaıtyp edi. Onda ol UQShU Bas hatshysy Stanıslav Zaspen de kezdesti. Zas pen Volfovıchti Máskeý Lýkashenkonyń ornyna negizgi úmitkerler retinde qarastyrady. Al Makeı Kreml strategteriniń dál osy josparyna kedergi bolýy múmkin", - dep jazdy Leonıd Nevzlın. 

"Adyrna" ulttyq portaly 

 

Pikirler