Qostanai oblysynda jylqy atqany üşın aŋşylar jetı jylǧa deiın bas bostandyǧynan aiyryluy mümkın, dep habarlaidy "Adyrna" ūlttyq portaly. Būl turaly QR IIM resmi saity mälımdedı.
«27 qyrküiekte Jıtıqara audany, Aqqarǧa auylynda belgısız bıreuler jylqy ūrlady. 63 jastaǧy jergılıktı tūrǧyn polisiia bölımıne jügınıp, tegın jaiylymda jürgen tabyndy eseptegennen keiın üi iesınıŋ bır basy joǧalǧanyn aitty. Audandyq polisiia qyzmetı ızdestıru şaralaryn bastady. Nätijesınde auyldan 12 şaqyrym jerdegı saidan januardyŋ qaldyqtary tabyldy», - delıngen habarlamada.Oqiǧa ornyn qarau kezınde olardyŋ qylmys ızın mūqiiat jasyruǧa tyrysqany anyqtaldy.
«Jedel-ızdestıru şaralarynyŋ nätijesınde polisiia Qamysty audanynyŋ ekı tūrǧynyn anyqtady. 29 jäne 24 jastaǧy küdıktıler - aŋşylar jäne azamattyq qarudyŋ ielerı. Üidı tekseru kezınde küdıktılerde zattai aiǧaqtar - ūrlanǧan jylqynyŋ etı tabyldy, - deidı Jıtıqar polisiia bölımı bastyǧynyŋ orynbasary Älıbek Şadalinov.Küdıktıler tüsındırgendei, olar aŋşylyqqa şyǧyp, üiırdı körıp, januardy atyp tastaǧan. Keiın olar soiyp, ettı üige alyp kettı. Qazırgı uaqytta QR QK 188-baby (mal ūrlyǧy) boiynşa sotqa deiıngı tergeu jürgızılude, baptyŋ sanksiiasy boiynşa 7 jylǧa deiın bas bostandyǧynan aiyru jazasy qarastyrylǧan.
«Jıtıqara polisiia bölımı qylmysty aşuǧa uchaskelık polisiia inspektory Marat Iýsupov, kriminaldyq polisiia bölımınıŋ bastyǧy Tölegen Kaerlapov jäne aǧa jedel uäkıl Djambul Tapaev qatysqanyn tüsındırdı», - delıngen habarlamada.
"Adyrna" ūlttyq portaly
Ūqsas jaŋalyqtar
