Qazaqstan temırjolynda jan türşıgerlık oqiǧa boldy. Qyzylorda-Astana baǧytyndaǧy jolauşylar poiyzynda äiel öz betınşe bosanyp, närestenı terezeden laqtyryp jıbergen. Būl turaly Kölıktegı polisiia departamentı rastady, dep habarlaidy “Adyrna” ūlttyq portaly.
Aldyn ala mälımet boiynşa, qaiǧyly oqiǧa jolda Qaraǧandy maŋynda bolǧan. Jolserık därethanadaǧy qandy baiqap, ızımen jürgen. Aqyry kupeden tösegı qan bolǧan äieldı baiqaǧan.
Ol özı bosanǧanyn moiyndady. Keiın onyŋ jaŋa tuǧan närestenı laqtyryp jıbergenı belgılı boldy. Jolauşylar vagon ışınen qan ızderın baiqap, öz betterınşe ne bolǧanyn anyqtauǧa tyrysqan. Köp ūzamai närestenıŋ mäiıtı tabyldy. Säbidıŋ ömırın aman alyp qalu mümkın bolmady.
Kölıktegı polisiia departamentınıŋ baspasöz qyzmetı būl oqiǧaǧa qatysty tergeu bastalǧanyn habarlady.
«Atalǧan derek boiynşa tekseru jürıp jatyr. Naqty prosessualdyq şeşımder tergeu nätijesıne qarai qabyldanady», — delıngen habarlamada.
Polisiia departamentı tergeu bastalǧanyn habarlady.
