Sarapshy Janqosh Turarovtyń jeńetinine senbeıdi

8539
Adyrna.kz Telegram

Qazaqstandyq boksshy Janqosh Turarovpen (24-0, 17 KO) jekpe-jekte brıtanııalyq boksshy Taıron Makkenniń (21-2-1, 6 KO) basymdyǵy bolady.  Boxingscene.com sholýshysy Elıot Foster osyndaı pikir bildirdi, dep jazady Vesti.kz .

Birinshi jartylaı orta salmaqtaǵy on raýndty jekpe-jek 12 naýryz Dýbaıda ótedi.

"Qarsylastardyń jekpe-jek sany birdeı. Degenmen men Makkennde azdaǵan artyqshylyq bar der edim. Birinshiden, ol joǵary deńgeıdegi aıqastarda judyryqtasyp kórgen. Onyń burynǵy qarsylastary tiziminde myqty boksshylar kóbirek. Ekinshiden, Turarov uzaq ýaqyt judyryqtaspady. Boksta jekpe-jektiń udaıylyǵy sheshýshi faktor. Bir jarym jylda bir judyryqtassań babyńda bola almaısyń. Úshinshiden, Makkenniń boıy on santımetrge uzyn, osyny da paıdalanatyny sózsiz. Alaıda qazaqstandyq boksshynyń soqqysy aýyr. Bul onyń qarsylastaryna osydan qaýiptený kerek. Makkenn bir qatelik jiberse bolǵany, sulap túsýi múmkin", - deıdi Foster.

Eske salaıyq, Janqosh keıingi ret 2019 jyly Nur-Sultanda judyryqtasty. Ol kezde argentınalyq Maksımılıano Godoıdy (32-6-1, 17 KO) nokaýtqa túsirip, tıtýl jeńip alǵan. 2020 jyly onyń taǵy bir tıtýldy aıqasy pandemııa saldarynan ótpeı qaldy. Al Makkenn qyrkúıekte WBC International belbeýi úshin kezdesýde otandasy Ohara Devıske (22-2, 12 KO) tóreshiler sheshimimen ese jiberdi.

Pikirler