Otandyq ónim, sapaly taýar, qoljetimdi baǵa! Búginde Shymkentte turǵyndar tarapynan ózimizden shyqqan ónimge degen suranys joǵary. Osy oraıda irgeli kásiporyndardyń da qatary artyp keledi. Búginde «Ońtústik» ındýstrıaldy aımaǵynda ornalasqan «IýgPlast» zaýytynyń jumysy qarqyndy.
«IýgPlast» JShS - 2012 jyly polıetılendi qubyr óndirisin bastaǵan zaýyttardyń biri. Munda qubyrdyń sý, gazben jabdyqtaý, káris júıesine arnalǵan túrleri shyǵarylady. Kásiporynda ornatylǵan qurylǵylardyń kómegimen jylyna 8 myń tonna ónim daıyndalady. Jyldyq aınalymy 2 mlrd teńge. Kooperatıv toǵyz jyldan beri saýda naryǵynda qyzmet etip keledi. Mekeme basshysy qajetti shıkizatty Reseı men Irannan ákeledi. Al taýarǵa tapsyrys berýshilerdiń basymy – Túrkistan, Qyzylorda, Taraz, Shymkent qalalarynyń qurylys kompanııalary.
Nurlan Temirbaev – «IýgPlast» JShS zaýytynyń ınjıner-tehnology - «Aldaǵy ýaqytta eksportqa shyǵarý josparymyzda bar. Dıametri 20-dan 630-ǵa deıin qubyrlar shyǵaramyz»
Atalǵan zaýyt «Jol kartasy – 2020» jáne ındýstrıaldy-ınnovaııalyq damý baǵdarlamalarynyń qoldaýymen júzege asyryrylǵan. Búginde óndiris oshaǵynyń ónimderi tutynýshynyń bar talabyna saı. Ári baǵasy da qoljetimdi. Zaýyt basshysy taýardyń sanyna emes, sapasyna asa kóńil bóledi. Sondyqtan bolar ónimge beriletin kepildik merzimi – 50 jyl. Iaǵnı uzaq ýaqytqa jaramdy. Nurbol Ermahan - «IýgPlast» JShS zaýytynyń operatory – «Zaýytta 1 jyldan beri jumys jasaımyn. Zamanaýı tehnologııalarmen jabdyqtalǵan. Jaqynda ǵana vakınanyń 2-shi komponentin qabyldadym»
Qazirgi tańda zaýytta 19 adam jumys isteıdi. Zaýyt basshysy aldaǵy ýaqytta qýattylyǵyn arttyryp, jumys kúshin kóbeıtýdi kózdep otyr. Aıtyp óteıik, sapaly ónim shyǵaratyn tehnıkalar arnaıy Germanııadan ákelingen. Bul qurylǵylardyń kómegimen sapaly ári uzaq ýaqyt boıy qyzmet etetin qubyrlar shyǵarylady.
Aıdana Qýanyshqyzy
