Orta salmaqta judyryqtasatyn qazaqstandyq boksshy Jánibek Álimhanulynyń (8-0, 4 KO) kelesi qarsylasy belgili boldy, - dep habarlaıdy Vesti.kz.
Qazaq boksshymen amerkıalyq Dımıtrıýs Ballard (20-0-1, 13 KO) jekpe-jekke shyǵýǵa kelisti. Jeltoqsanda ol AQSh-tyń Kosta-Mesa qalasynda orta dıvızıonda bos bolǵan NABF tujyrymy boıynsha Soltústik Amerkıa chempıony tıtýly úshin brazılııalyq Iamagýchı Falkaomen (16-1-1, 7 KO) on raýndty jekpe-jekte teń tústi. Osylaısha, belbeý sol kúıde ıesiz qaldy.
Al Álimhanuly keıingi ret rıngke 10 qarasha AQSh-tyń Fresno qalasynda shyǵyp, kanadalyq Albert Onolýnoseni (24-3-1, 8 KO) altynshy raýndta nokaýtqa túsirgen.
Álimhanuly - Ballard jekpe-jegi 28 naýryz Kvebektegi boks keshinde ótedi. Bul boks keshiniń basty kezedsýinde jartylaı aýyr salmaqta IBF jáne WBC chempıony reseılik Artýr Beterbıev (15-0, 15 KO) qytaılyq Men Fanlýnmen (16-0, 10 KO) judyryqtasady.
Aıta keteıik, munyń aldynda Top Rank prmoýterleri Jánibek Álimhaulyna qarsylas izdeýde qıyndyqqa tap bolǵan edi. Promoýterler birneshe boksshyǵa baılanysqa shyqqan eken, onyń ishinde kanadalyq Stıv Rolls (20-1, 11 KO) bar. Alaıda olardyń bári jekpe-jekten bas tartqan.
