Túrkimenstan prezıdenti Gýrbangýly Berdimuhamedovtyń rejımin synaıtyn shetelde turatyn túrikmen belsendileri AQSh pen Eýropanyń qalalarynda sherýler ótkizýde. Narazylyq bildirýshiler qoǵam men halyqaralyq uıymdardyń nazaryn áleýmettik-ekonomıkalyq qıyndyqtar men saıası qysymǵa tap bolǵan Túrkimenstan turǵyndarynyń máselelerine aýdarýǵa tyrysýda.
28 qyrkúıekte Nıý-Iorktegi Birikken Ulttar Uıymynyń shtab-páteriniń aldynda bir top túrkimen azamaty kelip, narazylyq akııasyn jasady. Akııa 29 qyrkúıekte BUU-nyń Jenevadaǵy keńsesiniń aldynda jalǵasty. Olar qolyna "Dıktator ket", "Túrkimen halqyna bostandyq" degen jazýy bar plakattar ustaǵan.
Túrkimen belsendileri Túrkimenstanda adam quqyǵyn óreskel buzý, saıası qaıratkerlerdi qýdalaý men óltirý, qysym jasaýdyń artqanyn aıtýda. Sonymen qatar koronavırýstyq shekteýler eldiń áleýmettik jaǵdaıyn nasharlatyp jibergenin de tilge tıek etýde. Resmı málimet boıynsha Túrkimenstanda koronavırýs joq, al beıresmı derekter boıynsha Ortalyq Azııada vırýstan kóz jumýshylar boıynsha Túrkimenstan kósh bastaýda.
"Adyrna" ulttyq portaly
