Pavlodar oblysynda 5 myń tonnadan astam astyq shirip ketýi múmkin, dep habarlady Astana arnasy.
Óıtkeni óńirde bıdaı keptiretin qondyrǵylarǵa quıatyn gaz tapshy. Sonyń saldarynan dıqandar jaz boıy baptaǵan ónimin qambaǵa quıa almaı otyr.
"Qambada 5 myń tonnadan astam astyq jatyr. Eger bir aptanyń ishinde bul másele sheshilmese, qanshama bıdaıymyz shirip keteıin dep tur. Sondyqtan quzyrly organdardan kómek suraımyn. Bıdaıdy joǵaltsaq nansyz qalýymyz múmkin. Al shirip ketken astyqty maldyń ózi jemeıdi", - deıdi dıqanshy Nıkolaı Mıller.
Qazan aıynda Pavlodar munaı zaýyty josparly jóndeýden ótedi. Sondyqtan bul máseleniń jaqyn kúnderi sheshile qoıýy eki talaı. Al shirigen bıdaıdy dıqandar qoqys alańyna jibergennen basqa amal joq dep otyr.
Soltústik Qazaqstanda da týra osyndaı jaǵdaı oryn alǵan. Óńirdegi iri dıirmender osymen eki aptadan beri aýlada jatqan dymqyl bıdaıdy keptire almaı áýre. Dızeldik otyn jetispegen soń un fabrıkalary gazǵa kóshken edi. Endi suıyq otynnyń bul túri de tapshy bolyp tur.
Dıirmenniń kommerııalyq dırektory Taısııa Kolegovanyń aıtýynsha, bıdaı qyrman basynan dymqyl qalpynda keledi. Ony tez arada keptirip, óńdeý kerek. Jańbyr jaýsa jaǵdaı odan beter ýshyǵaıyn dep tur.
Jergilikti bılik ókilderi tapshylyq quzyrly mınıstrlik engizgen jańa júıemen baılanysty dep otyr. Energetıka mınıstrligi kúni búginge deıin aımaqtarǵa kógildir otyndy tapsyrysqa sáıkes úlestirip kelgen. Endi jańadan engizilgen júıe boıynsha olar eldegi suıytylǵan gazdyń 40 paıyzyn kvotamen berip, qalǵanyn elektrondy bırjaǵa shyǵarǵan.
Soltústik Qazaqstan oblysy turǵyn úı kommýnaldyq sharýashylyǵy jáne energetıka basqarmasynyń bólim basshysy Erlan Qaıyrbekovtyń aıtýynsha, gazben qamtý kompanııalary elektrondy saýda-sattyq kezinde ónimdi satyp alýǵa úlgermeı qaldy.
"Sondyqtan olarda gaz tapshylyǵy paıda boldy. Bizdiń aımaq aı saıyn gazdyń 5800 tonnasyn tutynady. Qazir ónim taýsylyp bara jatqandyqtan, biz energetıka mınıstrliginen qosymsha 1,5 myń tonna suradyq. Quzyrly organ bizge bul kólemdi birden bóldi", - deıdi ol.
Sheneýnikterdiń aıtýynsha, aımaqtyq gaz operatorlary salǵyrttyq tanytpaı elektrondy alańda ónimge birden tapsyrys berse gaz tapshylyǵy bolmaıdy.
Alaıda ıfrlyq formattyń kemshilikteri jaıynda eshkim oılamasa kerek. Osy qarbalas kezeńde suıytylǵan gazdyń baǵasy taǵy sharyqtap, 93 teńgege jetken.
