Auǧanstannan köşıp kelgen 35 adamnan tūratyn tört otbasy Aqmola oblysyna qonystandyryluda dep habarlaidy “Adyrna” ūlttyq portaly QazAqparatqa sılteme jasap.
«Biyl 258 adamǧa kvota bölıngen, bız kvotany 85 paiyzǧa ǧana igerdık. Kelgender Kökşetau qalasynda, Atbasar, Sandyqtau jäne Burabai audandarynda ornalasqan. Olar barlyq räsımderden ötıp, qandas märtebesın alady», - dep tüsındırdı D.Ahmetjanova.Zaŋ şeŋberınde qonys audaruşylarǧa otbasynyŋ ärbır müşesıne 70 ailyq eseptık körsetkışten (200 myŋ teŋgeden astam) bırjolǧy järdemaqy qarastyrylǧan, sondai-aq jyl ışınde olar ai saiyn 15-ten 30 ailyq eseptık körsetkışke deiın tūrǧyn üidı jaldau jäne kommunaldyq qyzmetterdı öteuge qarajat alatyn bolady. Basqarma basşysynyŋ aituynşa, otbasy müşelerı qonystanyp, jūmys tabady.
«Mysaly, Kökşetauǧa qūramynda toǧyz adam bar otbasy keldı. Olar «Novopek» JŞS-de jūmys ısteitın bolady. Olar QR azamaty märtebesın alǧan kezde elımızdıŋ basqa azamattarymen teŋ därejede ömır süretın bolady», - dep atap öttı D.Ahmetjanova.Ol atap ötkendei, Täuelsızdıktıŋ 30 jyly ışınde Aqmola oblysyna tūraqty tūruǧa 8983 qandas keldı, onyŋ qūramynda 40126 azamat bar. Aǧymdaǧy jyly öŋırge barlyǧy 89 otbasy köşıp keldı, olardyŋ qūramynda 157 adam bar. Taldau körsetkendei, otbasylardyŋ 47,9 paiyzy Moŋǧoliiadan, 29,5 paiyzy Özbekstannan, 12,1 paiyzy Qytaidan kelgen.
“Adyrna” ūlttyq portaly
Ūqsas jaŋalyqtar
