Taldyqorǵanda jańa eko-avtobýstar qoldanysqa berildi

729

Búgin, Qazaqstan Táýelsizdiginiń 30 jyldyǵyna oraı, oblys ortalyǵynyń Taldyqorǵanǵa qonys aýdarýynyń 20 jyldyǵy aıasynda aıtýly shara ótti. Kólik qoljetimdiligin arttyrý maqsatynda qalada avtobýs parki jańartyldy.

"Jetisý" ÁKK arqyly jalpy somasy 2,3 mlrd.teńgeden asatyn gazben júretin 55 ekologııalyq avtobýs satyp alynady, olar tasymaldaýshylarǵa 7 jylǵa lızıngke beriledi (jyldyq 4% - ben). Onyń 32-si qala turǵyndaryna paıdalanýǵa berildi.

Mereke qarsańynda ortalyq alańda oblys ákimi Amandyq Batalovtyń qatysýymen "Iýtong" markaly 32 jańa avtobýstyń alǵashqy partııasyn-tapsyrý saltanaty sharasy oryn aldy.

Qalǵan 23 avtobýs (14 PAZ jáne 9 "Iýtong") jyl sońyna deıin Taldyqorǵan kóshelerimen júredi.

"Birneshe kún boıy jańa avtobýstar qalalyq baǵyttar boıynsha synaldy. Jalpy, olar barlyq zamanaýı talaptarǵa jaýap beredi. Olardyń keıbireýleri – 10 metr, basqalary-8,5 metr, jolaýshylar syıymdylyǵy 55-ten 67 orynǵa deıin qarastyrylǵan. Onda beınebaqylaý, kondııonerler, múmkindigi shekteýli azamattardy otyrǵyzý - túsirý úshin qaıyrmaly platformalar kózdelgen. Sondaı-aq, elektrondy bıletteý júıesi ornatylǵan. Jalpy alǵanda, avtobýstar burynǵyǵa qaraǵanda áldeqaıda keń, olarda múgedekter arbasyna arnalǵan oryndar da bar. Alǵashqy avtobýstar jolaýshylar aǵyny eń kóp marshrýttarǵa jiberiledi. Al olardyń qanshalyqty jaıly jáne yńǵaıly ekenin Sizder, qurmetti taldyqorǵandyqtar, óz betterińizben baǵalaı alasyzdar", - dedi aımaq basshysy.

Sondaı-aq, oblys ákimi avtojoldardy jóndeý jáne qalalyq ınfraqurylymdy jaqsartý jumystary jalǵasatynyn aıtty.
Satyp alynǵan avtobýstarǵa janarmaı quıý úshin qalada avtomobıldik gaz toltyrý kompressorlyq stanııasy salynyp, iske qosyldy. Aıta keteıik, jańa avtobýstarda júrý tarıfi ózgerissiz qalady.

Pikirler
Redakııa tańdaýy