«Şevron» Euraziia bölımşesınıŋ jaŋa Basqaruşy direktoryn taǧaiyndady

20 qyrküiek – Ştab-päterı Qazaqstanda ornalasqan «Şevron» kompaniiasynyŋ Euraziia biznes bölımşesınıŋ (EBB) Basqaruşy direktory etıp Derek Magnesctı taǧaiyndaǧanyn habarlaidy. Ol 2022 jylǧy 1 qaŋtardan bastap jūmysqa kırısedı. Magnesc myrza 2018 jyldan bastap Euraziia biznes bölımşesınıŋ basqaruşy direktory bolǧan Djon Balts myrzanyŋ ornyna keledı. Derek Magnesc Luiziana ştatynyŋ universitetınde (AQŞ) elektrotehnika bakalavry därejesın alyp 1997 jyly «Şevron» kompaniiasynda öz jūmysyn jer betındegı qūrylys injenerı retınde bastady. Sodan keiın ol Oŋtüstık Afrika, Angola, Polşa, Ūlybritaniia men AQŞ -taǧy Şevron kompaniiasynda bırqatar joǧary jäne basqaruşylyq qyzmetterdı atqardy. Magnesc myrza sonymen qatar 2009-2012 jyldary Qazaqstanda EBB basqaruşy direktorynyŋ orynbasary bolyp jūmys ıstedı. «Men üşın Qazaqstanǧa jaŋa qyzmetke oralu ülken märtebe, jäne men «Şevron» kompaniiasynyŋ Euraziiadaǧy jūmysyna qatysqanyma öte quanyştymyn, - dedı Derek Magnesc. – Men serıktesterımızben ortaq jetıstıkterımızdı odan ärı nyǧaitu üşın osy maŋyzdy aimaqtaǧy jūmysty jalǧastyruǧa asyqpyn». Balts myrza kompaniiada 41 jyldan astam qyzmet etkennen keiın 2022 jyldyŋ säuırınde zeinetkerlıkke şyǧady. «Qazaqstanda jūmys ısteu menıŋ halyqaralyq mansabymdaǧy eŋ maŋyzdy sätterdıŋ bırı boldy. Men jäne menıŋ otbasym osy keremet elde köptegen jaqsy dos taptyq, jäne būl el erekşe esımızde qalady». «Şevron» - düniejüzındegı jetekşı integrasiialanǧan energetikalyq kompaniialardyŋ bırı. Bız tabysty da tūraqty älem qūruda qoljetımdı, senımdı ärı taza energiianyŋ rölı zor dep sanaimyz. «Şevron» mūnai men tabiǧi gaz şyǧarady, tasymaldau janar-jaǧar mai, mūnai himiiasy men qospalaryn şyǧarady jäne bızdıŋ biznesımız ben önerkäsıbımızdı jaqsartatyn tehnologiialardy damytady. Kömırtek şyǧaryndylary tömen bolaşaq qūru üşın bız kömırtek öndırısın tiımdı tömendetuge, jaŋǧyrmaly energiia közderınıŋ kölemderın arttyruǧa, biznestı qoldau üşın ötemaqy, sonymen qatar tömen körmırtektı kommersiialyq maqsattaǧy tehnologiialarǧa investisiialauǧa erekşe nazar audaramyz. «Şevron» Qazaqstannyŋ ekı ırı mūnai ken ornyn: Teŋız ben Qaraşyǧanaqty igeruge qatysady:. Şevron sonymen qatar Kaspii qūbyr konsorsiumynyŋ ırı jeke aksionerı bolyp tabylady jäne Atyrauda öndırıstık qondyrǧyny basqarady.