Memlekettik tapsyryspen jan basyna qarjylandyrý jobasyna qatysqan jeke kásipkerliktiń biri - JK «RITM» úıirmesi. Onda 4 jastan 18 jasqa deıingi, sondaı-aq, erekshe qajettiligi bar balalar ózderi qalaǵan sport sekııasyna tegin bara alady. Atalǵan úıirmeniń jumysymen qala ákimi Murat Áıtenov arnaıy baryp tanysyp, balalardyń bıin tamashalady.
Úıirmege balalaryn alyp kelgen ata-analarmen tildesken qala ákimi Prezıdent tapsyrmasyna sáıkes bıylǵy jyly sporttyq jáne shyǵarmashylyq sekııalarǵa jan basyna shaqqandaǵy qarjylandyrý júıesi engizilgenin atap ótti. Jańa joba boıynsha 4 jastan 18 jasqa deıingi balalar, onyń ishinde erekshe qajettiligi bar balalar memlekettik tapsyryspen kez-kelgen sport sekııasyna, shyǵarmashylyq úıirmesine tegin bara alatynyn túsindirdi.
Aıtyp óteıik, munda ata-anadan 300 ótinim túsken. Olardyń ishinde 140 bala ulttyq bı úıirmesine jazylǵan bolsa, 60 bala zamanaýı bıge, 100 bala bal bılerine qatysýǵa ótinish tastaǵan. Úıirme Qarataý aýdany «Nursat» shaǵyn aýdany 208A úıde ornalasqan.
Sondaı-aq, Mádenıet, tilderdi damytý jáne arhıvter basqarmasynyń basshysy H.Esenova osy jyldyń 28-shi maýsymynda shyǵarmashylyq úıirmelerdi jan basyna qarjylandyrý qaǵıdasy Artsport.edu.kz saıtynda jarııalanǵanyn atap ótti. Onyń aıtýynsha, bul saıtqa osy kúnnen bastap, búgingi kúnge deıin 10 jeke kásipkerden 24 ótinim túsken. Zańǵa sáıkes 8 úıirmege jumys atqarýǵa ruqsat berilse, 5 úıirmeniń qujaty keri qaıtarylǵan. Al qalǵan 11 úıirmeniń qujattary qaralý ústinde eken. Basqarma basshysy qaladaǵy jeke kásipkerlerdi atalǵan jobaǵa qatysýǵa shaqyrdy.
Perızat Ortaı
