Aýyl sharýashylyǵyn tehnologııalyq turǵydan qaıta jabdyqtaýdy qoldaý tásilderin muqııat qaraýymyz qajet. Agroónerkásip kesheni qoldanatyn tehnologııanyń shamamen 90 paıyzy ábden eskirdi. Ony jańartý kerek. Aýyl sharýashylyǵyn sýbsıdııalaý saıasatyn ónerkásip salasyndaǵy memlekettik saıasatpen ushtastyrǵan jón. Úkimet pen «Báıterek» holdıngi osy másele boıynsha usynystar ázirleýi qajet. Jalpy, aýyl sharýashylyǵy salasynyń basty mindeti – elimizdi negizgi azyq-túlik ónimimen tolyq qamtamasyz etý. Prezıden Qasym-Jomart Toqaev Qazaqstan halqyna joldaýynda dál osylaı aıtyp pármen bergen edi. Rasymen, aýyl sharýashylyǵy-asyraýshy sala.
Máselen, Almaty oblysynda 201 myńnan astam adam agrarlyq sektorda eńbek etip, jan baǵyp otyr. Óńirde 50 myńǵa jýyq sýbektiler men 300 myń qosalqy sharýashylyq jáne 373 óńdeý kásiporyndary jumys jasaıdy. Oblys ekonomıkasynyń jetekshi salasy – aýyl sharýashylyǵy. Bul baǵytqa qazynadan ústimizdegi jyly 50 mlrd. teńgege jýyq qarjy bólingen, onyń 43 mlrd. teńgesi sýbsıdııa retinde qarastyrylǵan.
Investıııalyq sýbsıdııalaý baǵdarlamasy aıasynda, Jetisý ólkesindegi sharýashylyqtardyń shyqqan shyǵynyn 32 baǵytta ishinara óteýge 12 mlrd. teńge kózdeldi.
«Jalpy ósimdik sharýashylyǵynda tuqym, mıneraldy tyńaıtqyshtar men gerbııdter, biregeı kóshettik materıaldar, sý jetkizý, aǵash aýrýlaryn joıý, qaıta óńdeý kásiporyndaryna ótkiziletin qant qyzylshasy men dándik júgeri baǵyttary boıynsha sýbsıdııalaý júrgiziledi»,- deıdi Almaty oblysy aýyl sharýashylyǵy basqarmasy basshysynyń orynbasary Bahtııar Shampıkov.
Bıyl aýyl sharýashylyǵy daqyldary 972,3 myń gektarǵa sebilip, egis alqaby ótken jylmen salystyrǵanda 3,8 myń gektarǵa artty. Ótken jyly bul kórsetkish 968 myń gektardy quraǵan edi.
Tarqatyp aıtar bolsaq, bıdaıdyń egis kólemi – 10,9 myń gektarǵa, dándik júgeri – 9,5 myń ga, mal azyǵy daqyldary – 8,0 myń ga, kartop jáne kókónis – baqsha daqyldary – 1,3 myń ga jerge keńeıtildi. Qant qyzylshasy 16,1 myń ga egildi.
Búgingi kúnge 303 myń gektar masaqty dándi daqyldan 524 myń tonna astyq jınalǵan. Ónimdiligi gektaryna 17,3 entnerdi quraıdy. Al kartoptan 15 myń gektardan 288 myń tonna ónim jınaldy. Kókónisterge keler bolsaq, 21 myń gektardan 596 myń tonna daqyl alyndy. Baqsha daqyldary - 4 myń gektardan 110 myń tonna jınaldy.
Fermerler ýaqytyly sapaly tuqymdarmen, tyńaıtqyshtarmen, tehnıkamen, janar-jaǵar maımen qamtamasyz etildi. Kóktemgi dala jumystaryna Agrarlyq nesıe korporaııasy arqyly «Keń Dala» nesıelik baǵdarlamasy aıasynda 92 sharýashylyq 1,3 mlrd. teńgege nesıelendirildi.
«Jeńildetilgen janar-jaǵar maı energetıka mınıstrligi arqyly bólinýde, bizdiń oblysqa kepildi 13,8 myń tonna dızel otyny bólindi, lıtrine ortasha baǵasy 177 teńge, qazirgi ýaqytta 6228 tonna jetkizilip, onyń 2811 tonnasy 213 sharýashylyqqa berildi»,-dep bólisti Bahtııar Shampıkov.
