Qýattylyǵy 50 MVt bolatyn nysan saıaly Sarqan aýdanynda turǵyzylady dep habarlaıdy aýdan ákimdiginiń baspasóz qyzmeti.
Lepsi óńirinde salynyp jatqan JES-sy negizinen jeke qarajat esebinen júzege asyrylyp jatqan aýdandaǵy eń iri joba.
Jaýapty «VES Abaı – 2» JShS. Aqparlarynsha, qurylysy kezeń-kezeńimen josparlanǵan elektrstanııa 2019 jyly bastalyp, 2022 jyldyń sońyna deıin aıaqtalady.
Aldymen keń jazyqqa jol salynyp. Búgingi kúni jumystary qarqyn alǵan munymen qosa qondyrǵylardyń negizin quıyp bastalypty. Qurylys aımaǵynda 100-ge jýyq azamat jumys isteýde.
«Mundaı elektr qýatyn óńdeıtin stanııa Qapshaǵaı qalasynda bar bolsa, endi aýdanymyzdyń Lepsi aımaǵynda bolmaq. Biraq qýattylyǵy jaǵynan basym túsedi. Iaǵnı, jylyna munda 50 MVt toq kózi óńdiriledi. Jyl sońyna deıin 6 qondyrǵy ornatylyp, iske qosylý josparlanyp otyr», - dep bólisti aýdan ákimi Talǵat Qanatuly.
Lepsi aýylynan 80 km qashyqtyqta ornalasqan stanııa keń jazyqta ornalasqan jeldi aımaq. Jeldiń ótinde ornalasqan jaıpań meken bolǵandyqtan bundaı jaryq qýatyn óńdeıtin munaralar úshin taptyrmas jer.
Bıiktigi 100 metr, aınalǵysh qanattary 70 metr bolatyn munaranyń sany 16 bolady. Olardyń bireýiniń ózi 3,2 MVt óńdeýge qaýqarly.
Osyndaı iri ári tıimdi jobalardyń arqasynda aýdanǵa ınvestıııa tartylyp, jańa jumys oryndary ashylyp óńirimizdiń odan ári damýyna óz septigin tıgizedi degen sóz.
Aıta keteıik, jel elektrstanııasynyń salyný jumystaryna jeke qarajat esebinen 19 mlrd.teńge ınvestıııa tartylǵan.
