Memleket basshysy Qasym-Jomart Toqaev halyqqa arnaǵan Joldaýynda jemqorlyqpen ustalǵandardyń memlekettik qyzmette jáne kvazımemlekettik sektorda jumys isteýine ómir boıy tyıym salatyn qaǵıda qatań saqtalýy kerektigin aıtty. Sondaı-aq Prezıdent sybaılas jemqorlyq derekteri týraly habarlaǵan adamdardy zań júzinde qorǵaıtyn júıe qalyptastyrý qajettigin atap kórsetti. El Prezıdenti atap ótkendeı, jyl ótken saıyn kóleńkeli qylmysqa jol bergenderge kesiletin jaza túri qatańdap keledi. Degenmen jeń ushynan jalǵasqan jemqorlyq táýekelderiniń týyndaýy tek bir ǵana taraptan bolmaıtyndyǵyn eskergen jón. Osy oraıda el damýyn báseńdetip, halyq pen bılik arasyndaǵy berik senimdi setinetetin sybaılas jemqorlyqqa jol bermeý jáne onyń deńgein tómendetý tek Sybaılas jemqorlyqqa qarsy is-qımyl agenttigi qyzmetkerlerine júktelgen mindet emes, ol árbir qazaqstandyqqa ortaq mindet ekendigi barshaǵa belgili. Sebebi barmaq basty, kóz qysty áreketterge jol bermeý kópshiliktiń kókeıindegi jalpylama uran bolǵanmen, iske kelgende árbir azamattyń, ardyń isi ekeni anyq. Qoǵamda paraqorlyqqa kóp jaǵdaıda turǵyndardyń quqyqtyq saýattylyǵy men azamattyq belsendiliktiń tómendigi sebep bolyp jatady. Tirligin teńgemen sheshýge tyrysyp, qyzmet kórsetýshige qarajat usynýǵa qumar azamattardyń áreketteri «Para berý, para usyný» qylmysynyń týyndaýyna tikeleı yqpal etýde. Sondyqtan da para berýshi bolmasa, para alýshyda bolmaıtynyn eskersek, kópshilik qaýym eldiń erteńgi bolashaǵy úshin óziniń azamattyq belsendiligin tanytýy qajet-aq. Sonyń ishinde adal qoǵamdy qalyptastyrýda elimizdiń árbir azamaty ar tazalyǵyn saqtap qana qoımaı, ushyrasqan sybaılas jemqorlyq derekterine beıjaı qaramaýy tıis. Búgingi kúni elimizde Sybaılas jemqorlyqqa qarsy is-qımyl agenttiginiń 1424 Call ortalyǵyna qońyraý shalý arqyly turǵyndar óz aqparattarymen bólisýine tolyqtaı múmkinshilikteri bar jáne mekemelerge aryz-shaǵym qaldyrý arqyly ózinde bar barlyq málimetterin tolyqtaı Sybaılas jemqorlyqqa qarsy qyzmet ókilderine usyna alady. Sybaılas jemqorlyq deńgeıin tómendetýdiń tóte joly azamattyq belsendilikti arttyra otyryp, halqymyzǵa adal qyzmet etý bolyp esepteledi.
Basqa materıaldar
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз