Shymkent qalasynyń ákimi Murat Áıtenov «Kómeshbulaq» sý qubyrynyń qurylys barysyn tekserdi. Bul qalanyń Soltústik Batys bóliginde ornalasqan eldimekenderdi aýyz sýmen qamtý maqsatynda salynyp jatyr. Uzyndyǵy 30 shaqyrymnan asady.
Atalǵan magıstraldy sý qubyrynyń qurylysy aıaqtalsa Asar-2, Dostyq, Soltústik saıajaı, Yntymaq, Yntymaq-2, Batys, Qyzyljar, Igilik, Jańatalap, Táýelsizdikke - 20 jyl, Kókbulaq turǵyn alaptary tolyqqandy sapaly aýyz sýmen qamtamasyz etiletin bolady.Qazirgi ýaqytty qala turǵyndaryn aýyz sýmen qamtý maqsatynda 14 nysannyń, ıaǵnı 3 magıstraldy sý qubyry men 11 ishki oramdyq júıelerdiń qurylysy qarqyndy júrip jatyr. Onyń ishinde bıyl 9 eldimekendegi qurylys jumysy aıaqtalyp, Turan, Soltústik saıajaı, Yntymaq-2, Batys, Jańaturlan, Asar-2, Aqtas, Jańatalap jáne Sáýle shaǵynaýdandarynyń turǵyndary sapaly aýyz sýǵa qol jetkizedi. Qala ákimi árbir turǵyn alap pen shaǵynaýdan turǵyndaryna jasalatyn jumystar týraly aýdan ákimderi tarapynan túsindirme jumystaryn júrgizip turýdyń mańyzdy ekenin aıtty.
