Jemqorlyqpen kúres – Azamattyq boryshymyz

1862
Adyrna.kz Telegram

Biz múlde jańa qoǵamda ómir súrip jatyrmyz. Jańa qoǵamnyń sıpaty iskerlik bolsa, bul jolda jetistikterimiz de az emes. Al sheshimi kúrdeli máseleler de bar. Ol – áleýmettilik másele. Bul salada qoǵam ómirinde túbegeıli sheshimi tabylmaı turǵan másele, ol – korrýpııa. Elimizde osy máselege arnaıy qabyldanǵan zańdar da, atqarylyp jatqan jumystar da barshylyq, biraq bul másele áli tolyq sheshimin tapqan joq.

Sybaılas jemqorlyqpen kúresý Qazaqstannyń búgingi kúngi kúrdeli máselesi bolyp otyr. Úlken áleýmettik qasiret bolyp tabylatyn ol saıası damý turǵysynan bir-birine uqsamaıtyn  álemdegi  barlyq  elderdiń  qaı-qaısysyn  da  qatty  alańdatatyny  anyq.

Qyzmet quzyreti boıynsha Tártiptik keńesi Qazaqstan Respýblıkasynyń «Sybaılas jemqorlyqqa qarsy kúres týraly» Zańy men Qazaqstan Respýblıkasy memlekettik qyzmetkerleriniń Ar-namys kodeksi talaptarynyń saqtalýyn qadaǵalap, atalǵan zańnama men kodeks talaptarynyń buzylýyna jol bergen qyzmetkerlerdiń tártiptik jaýapkershiligin qaraý belgilengen. Kez-kelgen órkenıetti qoǵam úshin sybaılas jemqorlyqpen kúres eń ózekti máselelerdiń biri bolyp tabylady. Sybaılas jemqorlyq memleketti ishinen joıýdyń bastamasy men jetistikterdi joqqa shyǵaratyn, ulttyq qaýipsizdikke qaýip-qater ákeletindigi kúmánsiz. Sondyqtan da Qazaqstan Respýblıkasynyń memlekettik saıasatynyń negizgi basymdylyqtarynyń biri bolyp osy zulymdyqpen kúresý bolyp tabylady. Bizdiń qoǵamda sybaılas jemqorlyqqa oryn joq. Qoǵamnyń barlyq kúsh-jigerin biriktirip, osy derttiń odan ári ýshyqpaýy úshin ony toqtatýdyń barlyq amaldaryn qoldaný arqyly ǵana bul qubylysqa tıimdi túrde qarsy turýǵa bolady.

El bolyp eńsemizdi kótergenimizge, táýelsizdigimizdi alyp, sharshy álemge tanylǵanymyzǵa otyz jyldaı  ýaqyt ótti, sondyqtan sybaılas jemqorlyqpen kúresý barlyq Qazaqstan Respýblıkasy azamattarynyń azamattyq boryshy dep bilý kerek.

 

Pikirler