Tótenshe jaǵdaılar vıe-mınıstri tasqynnan zardap shekkenderge arnalǵan baspananyń qaıda salynatynyn málim etti, dep habarlaıdy "Adyrna" tilshisi.
Vıe-mınıstr Baýyrjan Syzdyqov tasqyn saldarynan búlingen úılerdiń jańa ornyn arnaıy komıssııalar anyqtaıtynyn aıtty.
BAQ ókiliniń "Jańa úıler qaıda salynady? Burynǵy ornynda boı kóterse, bir jyldan keıin qaıtadan sý almaıtynyna kim kepildik beredi?" degen saýalyna sheneýnik máseleniń pysyqtalyp jatqanyn habarlady
«Siz durys aıtyp tursyz. Biz ár jaǵdaıdan sabaq alýymyz kerek. Búgingi tańda Úkimet deńgeıinde jumys toby qurylǵanyn bilesiz. Qazir ákimdikter óz deńgeıinde de osyndaı komıssııalar qurdy. Olar oqıǵa oryndaryn zerttep, tekseredi. Bir de bir adam nazardan tys qalmaıdy. Osy komıssııalar men jumys toptary aqyldasa otyryp, saraptaı otyryp jańa úıler qaı jerge salynatynyn sheshedi. Bizdiń paıymdaýymyz boıynsha, ol úıler, árıne, qaýipsiz tustarda salyný kerek», - dedi Baýyrjan Syzdyqov.
