Halqymyzdyń densaýlyqty baılyq pen basqadan da joǵary qoıýy beker emes. «Deni saý urpaq – ult baılyǵy» ekenin únemi aıtyp kelemiz. Osyndaı baǵa jetpes baılyqtyń qadirin túsinbeı, óz ómirine óz qoldarymen balta shaýyp júrgen jandar qanshama. Qazirgi ýaqytta jastar arasynda esirtkige boı urý keń etek alyp barady.
Nashaqorlyq jáne esirtki bıznesine qarsy kúreste bolashaqta jaqsy nátıjege jetý úshin, «Jumyla kótergen júk jeńil» degen halyq danalyǵynyń negizinde jalpy el bolyp kúresýimiz qajet. Osy maqsatty betke alǵan aýdanymyzdyń «Jasyl el» eńbek jasaqshylary aýdandyq jastar resýrstyq ortalyǵynyń jastarymen birge «Nashaqorlyqqa jol joq!» atty akııasyn ótkizdi. Bul ıgi sharanyń maqsaty salaýatty ómir saltyn nasıhattaý, jasóspirimder arasyndaǵy nashaqorlyqtyń aldyn alý sharalaryn aıqyndap berý. Akııa barysynda qala turǵyndaryna álemdi alańdatyp otyrǵan nashaqorlyq, SPID, araq, temeki sııaqty zııandy áreketterdiń beleń alyp bara jatqandyǵyn eskerte otyryp, ony boldyrmaýdyń aldyn – alýǵa tárbıeleýge baǵyttalǵan únparaqtar taratylyp, ǵasyr dertine aınalyp otyrǵan keselderdiń zalalyn jan-jaqty túsindirip, zııandy zattardan barynsha aýlaq bolýǵa shaqyrdy.
Elimizdiń bolashaǵy – jastar dep, jastarǵa zor úmit artyp otyrǵanda bul indettiń órshýi bolashaǵymyzǵa kóleńkesin túsirip otyrǵany qorqynyshty.
Perızat Nurqaeva
