Sarapshylardyń aıtýynsha, koronavırýsqa qarsy antıdenelerge test tapsyrýdyń esh qajettiligi joq. Sebebi olardyń nátıjeleri senimsiz jáne test adamnyń ımmýndyq qorǵanysynyń deńgeıi týraly jetkilikti qorytyndy jasaýǵa múmkindik bermeıdi dep habarlaıdy "Adyrna" ulttyq portaly.
VVS basylymynyń habarlaýynsha, sarapshylar mundaı test tapsyrý aqshany bos ysyrap etý dep oılaıdy. Sebebi basty qaýip mynada: mundaı synaqtan ótken, aǵzasynda qorǵanys bar dep sengen kóptegen adamdar shekteý sharalaryn qatań saqtamaı, aqyrynda vırýs juqtyryp alýy múmkin.
"Antıdenelerdiń bolýy - bul "kartınanyń" jartysy ǵana", - deıdi Amerıka Qurama Shtattaryndaǵy Govard Hıýz medıınalyq ınstıtýty men Soltústik -Batys ýnıversıtetiniń molekýlıarlyq bıology Konstantın Andreev. — "Adam aǵzasynda antıdeneler synaǵy anyqtalmaıtyn nemese merzimi uzaqqa sozylatyn jasýshalar bar. Sondyqtan test tapsyrý vırýs juqtyryp almaýǵa eshqandaı kepil bolmaıdy".
Onyń aıtýynsha, búginde Reseıde kóp beleń alǵan antıdenelerge test tapsyrýdy Amerıka Qurama Shtattarynda eshkim júrgizbeıdi.
Al Garvard ýnıversıtetiniń densaýlyq saqtaý mektebiniń professory Vısha Vısvanattyń aıtýynsha, ǵylymı turǵydan qarasaq, koronavırýsqa qarsy antıdenelerge test tapsyrýdyń esh máni joq. "Odan da eń durysy, tezirek baryp, vırýsqa qarsy ekpe alý", — deıdi ol.
"Adyrna" ulttyq portaly.
