Jetısu öŋırınde soŋǧy mälımet boiynşa, koronavirus infeksiiasyna qarsy vaksinanyŋ I komponentın 101 477 adam salǧyzǧan, taǧy 10 432 adam II komponentın aldy. Būl turaly Almaty oblysynyŋ bas sanitar därıgerı E.Sydymanov mälım ettı.
Öŋırdıŋ sanitarlyq-epidemiologiialyq baqylau departamentınıŋ mälımetı boiynşa, vaksinanyŋ I komponentın saldyrǧandardyŋ 17 myŋnan astamy - medisina mamany, 25 myŋdaiy - pedagog, sol siiaqty uchaskelık polisiialar, studentter, medisinalyq-äleumettık mekemelerdıŋ qyzmetkerlerı, memlekettık qyzmetşıler jäne taǧy basqa azamattar bar. II komponentın 7298 medisina mamany, 2801 pedagog, sol siiaqty uchaskelık polisiialar, memlekettık qyzmetşıler jäne basqalar saldy.
Bas sanitar E.Sydymanovtyŋ aituynşa, öŋırde vaksinadan keiıngı kerı äser men asqynular tırkelmegen. Atap ötsek, Almaty oblysynda 239 egu punktı, 134 köşpelı brigada jūmys ısteidı. Är punkt 7 myŋnan astam adamdy qabyldai alady.
Ūqsas jaŋalyqtar
