Ýkraına prezıdenti Vladımır Zelenskıı 8 jeltoqsanda Telegram arnasynda Reseıdiń Ýkraınaǵa qarsy keń aýqymdy soǵysy bastalǵaly 43 myń ýkraınalyq sarbazdyń qaza tapqanyn málimdedi, dep habarlaıdy "Adyrna" ulttyq portaly DW-ge silteme jasap.
Onyń aıtýynsha 370 myń áskerı qyzmetker jaraqat alǵan. Zelenskııdiń aıtýynsha, jaralanǵandardyń shamamen 50 paıyzy qaıtadan sapqa oralady.
Zelenskıı Reseı armııasynyń shyǵyny týraly da aqparat berdi.
"Ýkraına qarýly kúshteri bas shtabynyń jańartylǵan derekterine sáıkes, reseılik áskerdiń shyǵyny 750 myń adamnan asyp ketti. Onyń ishinde 198 myń reseılik qaza tapqan, al 550 myńnan astamy jaraqat alǵan", – dep atap ótti Zelenskıı.
Ol sondaı-aq qyrkúıek aıynan beri Reseı maıdanda adam shyǵyny boıynsha 5 ese, keıde 6 ese kóp shyǵynǵa ushyraýda dep qosty. Ýkraına prezıdenti Ýkraına men Reseı armııalary arasyndaǵy basty aıyrmashylyqtardyń biri retinde fronttyq medıınanyń damý deńgeıin atap ótip, bul kórsetkishtiń Ýkraınada aıtarlyqtaı joǵary ekenin aıtty.
Zelenskıı sondaı-aq 2014 jyldan beri Reseı tutqynynda qalǵan myńdaǵan adamdardy, sonyń ishinde áskerı jáne beıbit turǵyndardy eske saldy.
"2022 jyldyń 24 aqpanynan beri biz Reseıden 3935 adamymyzdy qaıtardyq: olardyń 3767-si áskerı, 168-i beıbit turǵyndar. Biz barlyǵyn qaıtarýymyz kerek, bul áli de úlken jumys", – delingen habarlamada.
Sonymen qatar, Ýkraına prezıdenti Reseıge zańsyz deportaııalanǵan júzdegen myń balalar men Reseı basyp alǵan ýkraın jerinde kem degende birneshe mıllıon adam qalǵany týraly jazdy.
Buǵan deıin, AQSh-tyń jańa saılanǵan prezıdenti Donald Tramptyń Ýkraına prezıdenti Vladımır Zelenskııdiń Máskeýmen "kelisimge kelgisi" keletinin málimdegeni týraly jazǵan edik.
Tramp soǵys saldarynan jazyqsyz adamdardyń japa shegip jatqanyn aıtty. Onyń baǵalaýynsha,Sondaı-aq, ol soǵysta qaza tapqan nemese jaralanǵan reseılik sarbazdardyń sany 600 myńǵa jýyq ekenin, Al Ýkraına qarýly kúshteriniń shyǵynynyń 400 myń adamǵa jetkenin jazdy.
