QAIRAN ATATÚRIK!
Sol kezdegi álemdegi nómiri birinshi memleket basshysy sanalǵan Úlken Brıtanııa koroli Edýard resmı saparmen Atatúriktiń aıaǵyna keledi. Atatúrik 15 jyldyq bıligi tusynda shetelge shyqpaǵan adam, patshalar men prezıdentter onyń aıaǵyna kelýshi edi...
Brıtanııa patshasynyń qurmetine Stambýlda resmı qonaǵasy beriledi, álem elderiniń joǵary dárejeli ýákilderi, úkimet músheleri men dıplomattar qatysqan bankette bir qyzmetshi jas jigit kóterip bara jatqan ydystaryn qulatyp, shaǵyp alady. Zalda únsizdik, túrik jaǵy uıalyp qurmetti qonaq aldynda masqara boldyq dep otyrǵanda, Atatúriktiń daýysy estiledi:
- Aıyp etpeńiz qurmetti korol, ultyma bárin úırettim, tek daıashylyqqa kóndiger emes eken!
Mine, ultyn qorǵaǵan, halqyn ulyqtaǵan tulǵa Atatúrik! «Túrikpin degennen asqan baqyt joq!», «Halqymyzdyń eń qurmetti ýákilderi aýyl turǵyndary-dúr!» degen Atatúrik! Halqyn eshqashan da jamandamaǵan, úńgirshi las sasyq túrikter taǵy basqa sózderdi aýyzǵa almaǵan, árqashan da túrik ultyn maqtap, yntalandyrýshy keremet jaqsy sózder aıtqan Atatúrikti nege úlgi tutpaıdy bizdiń mánsapkerler, a?!
Qoldarynan kelse ár oraıdy paıdalanyp, óz halqyn sheteldikter aldynda kemsitip, qorlap úırengen dókeılerdiń aýzyn jabatyn mysty da susty bir tulǵamyzdyń qalmaǵany qynjyltady...
"Adyrna" ulttyq portaly
