Granttar sany artýda. 4 jyl buryn grant sany 30 myńnan assa, qazir 55 myńǵa jetti. Jyl saıyn grant sany arty keledi. Memleket grant sanyn arttyrý arqyly kórshi Reseı men Qytaıǵa oqýǵa ketetin jastardyń aǵymyn ustap qalǵysy keledi. Óıtkeni olardyń sany sońǵy jyldary kóbeıip, otandyq stýdentter úshin jat jerde qolaıly usynystar artýda.
2014 jyly UBT-ǵa 87 564 oqýshy tapsyrdy. Onyń 69 624-i JOO konkýrsyna qatysyp, 34 165-i grant ıegeri atandy.
2015 jyly UBT-ǵa 83 262 oqýshy tapsyrdy. 67 377 jas túlek konkýrsqa qatysyp, onyń 32 168-i grant ıegeri atandy.
2016 jyly UBT-ǵa 84 042 oqýshy tapsyrdy. 59 677 jas túlek konkýrsqa qatysyp, onyń 27 504-i grant ıegeri atandy.
2017 jyl UBT-ǵa 88 583 oqýshy tapsyrdy. 63 170 jas túlek konkýrsqa qatysyp, onyń 34 265-i grant ıegeri atandy.
2018 jyl UBT-ǵa 98 698 oqýshy tapsyrdy. 75 429 jas túlek konkýrsqa qatysyp, onyń 47 934-i grant ıegeri atandy.
2019 jyl UBT-ǵa 110 472 oqýshy tapsyrdy. 64 452 jas túlek konkýrsqa qatysyp, onyń 46 606-i grant ıegeri atandy.
2020 jyl UBT-ǵa 122 717 oqýshy tapsyrdy. 62 685 jas túlek konkýrsqa qatysyp, onyń 44 518-i grant ıegeri atandy.
2021 jyly 75 myńnan astam jas túlek 56 myń grantqa úmitker.
Qazaqstanda qalsyn dep, granttardyń sanyn kóbeıtken durys pa?
Bul týraly Marat Shıbýtov (saıasattanýshy) bylaı deıdi: Ýnıversıtettegi grant sanynyń artýy bilim sapasyna keri áser etýi múmkin. Ádette qol jetimdilik pen bilim sapasynyń bir-birine qarama-qarsy turatyndyǵyn ańǵarǵan jón. Saldarynan bolashaqta JOO quny tómendep ketýi yqtımal.
Danııar esimdi stýdent (Q. Sátbaev atyndaǵy tehnıkalyq ýnıversıtettiń stýdenti): "11 synypty bitirgenshe, qaı jerde, qandaı mamandyqta oqıtynymdy sheshpedim. Tek aǵamnyń dosy metallýrgııa salasynda istep, jaqsy aılyq tapqanyn estigen soń, osy mamandyqty tańdadym. Odan keıin de "Metallýrgııa" mamandyǵymen elmizde ońaı jumys tabýǵa bolatyndyǵyn aqparat betinen kózim shaldy. Dál qazirgi sátte 3 kýrs bitirsem de, túrli qalalardaǵy zaýyttar bastapqy aılarǵa 150-200 myń teńge tólep, jumysqa alýǵa ázir. Osy sebepti mamandyǵymnan qatelespeppin dep oılaımyn."
Jyl saıyn tehnıkalyq granttarǵa grant kóp bólinse de, onyń orny tolmaı jatady. "Kólik transporty", "Taý-ken isi", "Metallýrgııa" t.b mamandyqtaryna kóptegen jas túlekter mensinbeı qarap, "Memlekettik basqarý", "Qarjy", "Zańger", "Shet tili" jaǵyn tańdaýǵa qumar. Alaıda tanymal emes mamandyqty bitirgenderdiń jalaqysy da, jumysqa ornalasý múmkindigi de joǵary.
Elimizde jylyna neshe adam joo bitiredi?
2011 jyl - 40 485
2012 jyl - 43 401
2013 jyl - 43 585
2014 jyl - 44 548
2015 jyl - 43 346
2016 jyl -41 425
2017 jyl - 40 807
2018 jyl - 48 772
Elimizdegi tanymal headhunter, Olx.kz t.b syndy saıttardan jumys izdeseń, JOO bitirgen mamandardy emes, kerisinshe qurylys salasy, shashtaraz, kólik aıdaýshy, aspazshy, dánekerleýshi, kúzetshi syndy mamandarǵa suranys joǵary.
Erlan (Elektrık): 11 synypty bitirgende grantqa balym jetpeı, oqýy arzan deıtin "Fılosofııa" mamandyǵyn 20 shaqty toptasymmen (2-3-ýi mamandyǵymen isteıdi) bitirip shyqtym. Alaıda arzan nemese grant úshin ýaqyt joǵaltpaý kerektigin oqý aıaqtaǵan soń ǵana túsindim. Bunyń bári mektepte baǵyt-baǵdar bermeýdiń kesirinen dep bilemin. Óz qateligimdi túzeý úshin, qosymsha 2-shi tehnıkalyq mamandyqty oqydym. Jumys barysynda geodezııa, markshreıder mamandyǵymen qyzmet jasaıtyndar 500 myńnan joǵary jalaqy estigenimde, nege sol mamandyqty oqymadym degen ókinishtiń bolatyny da ras.
"Atameken" kásipkerler palatasynyń zertteýine súıensek, JOO-da oqyǵan stýdentterdiń 10-nan 6-sy tańdaǵan mamandyǵy boıynsha jumysqa ornalasa almaıdy. Kópshiligi mamandyqty ýnıversıtetiń ásemdigi, mamandyqtyń tanymal bolýy, kóshten qalmaıyq dep, kez-kelgen mamandyqta oqı salý, baǵyt baǵdardyń bolmaýy, tómengi jalaqy t.b sebepter áser etedi.
Ókinishke qaraı, elimizdegi JOO bilim sapasy áldeqaıda artta qalǵan. Grant sanynyń kóbeıýi sapaly mamandardyń kóbeıýine emes, tek JOO bitirgen degen qaǵazdy berýmen shekteletini kópshiligimizge aıan.
Qanat Baıuzaqov
"Adyrna" ulttyq portaly
