Shymkent qalasynyń ákimi Murat Áıtenov Qazaqstan Respýblıkasy Parlamenti Májilisiniń depýtattary, «Nur Otan» partııasynyń frakııa músheleri Berik Bekjanovty, Muhtar Ermandy jáne Ǵanı Tashqaraevty qabyldady.Parlament Májilisiniń depýtattary sessııa aralyq kezeńde saılaýshylarmen kezdesýler ótkizip, partııanyń saılaýaldy baǵdarlamasyn iske asyrýǵa arnalǵan jol kartasynyń oryndalýyn qadaǵalaıdy.
Qazaqstan Respýblıkasy Parlamenti Májilisiniń VII shaqyrylymdaǵy I sessııa barysynda Parlament Májilisiniń depýtattary 100-den asa zań jobalaryn qarap, 63 zań jobasy Memleket basshysyna qol qoıýǵa usynylǵan. Halyqpen tikeleı ótetin kezdesýlerdiń belgilengen formaty eldegi epıdahýalǵa baılanysty bul joly ózgerip otyr. Basymdyq qurylys alańdarynda, eńbek ujymdarynda, ózekti máseleler sanatyndaǵy obektilerde shaǵyn ǵana toptarmen ótetin kezdesýlerge berilmek. «Nur Otan» partııasynyń Shymkent qalalyq fılıaly da partııanyń saılaýaldy baǵdarlamasynyń negizinde qalanyń damýyna yqpal etetin máseleler boıynsha jol kartasy qabyldanǵanyn, olardy tabysty iske asyrýǵa memleket qarjysynyń bólinýine Parlament depýtattary qoldaý kórsetip otyrǵanyn jetkizdi. Qala basshysy óz sózinde partııa fılıalynyń naqty is-qımylyn aıqyndaıtyn bul qujat qalanyń tutastaı damýyna serpin beretinin aıta otyryp, alǵa qoıǵan maqsattardyń oryndalýyna qoǵamdyq baqylaý júrgizýge partııa músheleri belsendi túrde qatysýy kerek, dedi.
