Shymkentte shahmattan jasóspirimder arasyndaǵy Qazaqstan Respýblıkasy chempıonatynyń jeńimpazdary anyqtaldy. 8-18 jas aralyǵyndaǵy jasóspirimderdiń zııatkerlik saıysyna kil úzdikter qatysty.Shahmat oıyndary boıynsha jasóspirimder arasyndaǵy el birinshiligi Shymkent qalasynyń ákimi Murat Áıtenovtyń bastamasymen, barlyq qaýipsizdik sharalaryn saqtaı otyryp, jaýapkershilikpen júzege asyryldy. Qala ákimi Murat Áıtenov úzdik shyqqan jas shahmatshylardy arnaıy qabyldap, qarjylaı júldemen marapattady.
El Táýelsizdiginiń 30 jyldyǵy aıasynda qalamyzda jasóspirimder arasynda respýblıkalyq deńgeıdegi shahmat týrnıri birinshi ret ótkizildi. Osy onkúndikte balalar mol tájirbıe jınap, jańa orta qalyptastyrdy dep oılaımyn. Shymkent qalasynda shahmattyń qarqyndy damýyna barlyq múmkindikter bar. Qala mektepterinde shahmat arnaıy pán retinde engizildi. Oqýshylar arasynda shahmat týrnıri úshinshi márte ótkizilip otyr. Sizderdiń talaptaryńyzdyń arqasynda kóptegen jastarymyz jigerlenedi. Aldaǵy ýaqytta álem birinshilikterinde úzdik bolatyndaryńyzǵa senemin, - dedi Murat Dúısenbekuly quttyqtaý sózinde.Qazaqstan shahmat federaııasynyń atqarýshy dırektory Anýar Ismaǵambetov kúrdeli kezeńde asa joǵary jaýapkershilikpen el birinshiliginiń ótýine qoldaý kórsetkeni úshin qala ákimine alǵysyn bildirdi. Bul týrnırde jasóspirimder arasynda úzdik oıynshylar qatysqandyǵyn, Shymkent qalasynda kóptegen talantty jastar ósip jatqandyǵyn aıta otyryp, qalanyń Qazaqstannyń shahmat astanasy atanýy kópten kútken másele ekendigin jetkizdi.Kezdesý barysynda aldaǵy ýaqytta qalada shahmat klýbtarynyń jelisin qalyptastyrý, osy oıyn túrinen túrli deńgeıdegi saıystar ótkizý josparlanyp otyrǵandyǵy aıtyldy. Aıta ketsek, chempıonatta Shymkent qalasynan Zeınep Sultanbek (18 jasqa deıingi qyzdar arasynda), Aıaýlym Qaldarova (14 jasqa deıingi qyzdar arasynda) I oryndy jeńip aldy.Irikteý synynan súrinbeı ótken jasóspirimder endi elimizdiń namysyn álem jáne Azııa chempıonatynda qorǵaıtyn bolady.
