Búgingi Shymkenttiń shýaqty tańy ásem áýezdi ánmen atty. Tańmen talasa óńirlik zııaly qaýym, qurmetti azamattar, qala turǵyndary «Abaı» saıabaǵyna gúl shoqtaryn kótere keldi.
Nege deseńiz, 176 jyl buryn, dál osy kúni qazaqtyń rýhanı kemeńgeri, oıshyly, bilim men bostandyq jolyndaǵy qajymas kúreskeri – Abaı Qunanbaıuly dúnıege kelgen. Qazaq ádebıetiniń negizin qalaýshy, artyna óshpeıtuǵyn iz qaldyrǵan kemeńger Abaıdyń týǵan kúnin bıyl shymkenttikter osylaı atap ótýge bel býdy. Árıne karantın talaptaryn saqtaý basty nazardy.
Shymkent qalasynyń qaq ortasynda ornalasqan Abaı saıabaǵynda búgin erekshe atmosfera. Tańnan bastap Abaı Qunanbaıulynyń eskertkishine gúl shoqtary qoıylyp, jandy daýysta uly aqynnyń áýezdi ánderin kelýshiler qosyla shyrqaýda.
Bul sharaǵa qala turǵyndarymen qatar qalalyq máslıhat depýtattary, zııaly qaýym, jas aqyndar, kitaphana jáne Polıııa departamentiniń qyzmetkerleri de qatysty.
Shymkent qalasy ákimdiginiń baspasóz qyzmeti
