Jyl basynan beri 270 myńnan astam aýǵandyq úıinen aıryldy

2989
Adyrna.kz Telegram

Aýǵanstandaǵy uzaqqa sozylǵan daǵdarystyń saldarynan jyl basynan beri 270 myńnan astam adam úıin tastap ketýge májbúr boldy. Bul týraly Euronews BUU málimetterine silteme jasap habarlady.

BUU Bosqyndar jónindegi agenttiginiń habarlaýynsha, memleket aýyr gýmanıtarlyq daǵdarystyń aldynda tur. Ol kóptegen balaǵa keri áserin tıgizip jatyr. Sońǵy eki aıdyń ishinde eldegi zorlyq-zombylyq deńgeıiniń ósýine baılanysty olardyń 80 myńnan astamy úılerinen aırylǵan. Qurban bolǵandardyń jartysyna jýyǵy áıelder men balalar.

Daǵdarys bul eldiń turǵyndarymen qatar Eýropaǵa da aýyr zardaptar ákelýde. Soǵystan qashýǵa májbúr bolǵan Aýǵanstannyń kóptegen azamatty Eýropa elderinen pana izdep júr.

Aıta keteıik, Germanııa kanleri Angela Merkel shildede memlekettiń barlyq máseleni sheshýge resýrsy joq ekenin jáne bosqyndardy qabyldaı almaıtyndyǵyn málimdedi. Túrkııa bıligi de kóshi-qonnyń ósýi týraly habarlady. Ótken aıda bul el Aýǵanstannan kelgen 27 myńnan astam adamdy Iran shekarasynda ustaǵan bolatyn.

«Adyrna» ulttyq portaly

Pikirler