3 säuırde Qytaidyŋ jeke ǧaryş kompaniiasy äzırlegen «Tianlun-3» zymyrany alǧaşqy orbitalyq synaq ūşyrylymy kezınde apatqa ūşyrady, dep habarlaidy "Adyrna" ūlttyq portaly.
Ūşyrylym Sziusiuan ǧaryş ailaǧy aumaǧynda jüzege asyrylǧan.
Zymyran sättı köterılgenımen, ūşu barysynda tehnikalyq aqau paida bolyp, ūşu sätsız aiaqtaldy. Jobany äzırlegen Space Pioneer kompaniiasy apatty rastady jäne oqiǧa sebepterın anyqtau üşın tergeu bastalǧanyn mälımdedı.
Būl «Tianlun-3» jobasyna qatysty alǧaşqy ırı sätsızdık emes. 2024 jyldyŋ mausymynda zymyran Guni qalasyndaǧy synaq alaŋynda kütpegen jerden ūşyp ketıp, şamamen 50 sekund baqylausyz qozǧalyp, synaq keşenınen 1,5 şaqyrym jerde qūlaǧan. Keiın jürgızılgen tekserıs zymyrannyŋ artqy bölıgınde konstruksiialyq aqau bolǧanyn körsetken.
Osy oqiǧadan keiın kompaniia zymyran qūrylymyn qaita jetıldırıp, 2025 jyly sättı jerüstı synaqtaryn ötkızgenın habarlaǧan edı.
«Tianlun-3» ekı satyly, ışınara qaita paidalanylatyn zymyran retınde jasalyp, 20 tonnadan astam jüktemenı tömen orbitaǧa şyǧaruǧa qabılettı dep baǧalanǧan. Ol SpaceX kompaniiasynyŋ Falcon 9 zymyranyna bäsekeles retınde ūsynylǧan bolatyn.
