Äzerbaijannyŋ Tötenşe jaǧdailar ministrlıgı Aqtaudaǧy ūşaq apatynan tırı qalǧan stiuardessanyŋ jaǧdaiy turaly aqparat berdı, dep habarlaidy "Adyrna" ūlttyq portaly.
Aidana Ragimlidıŋ suretı men videosy jariialandy.
Ol Maŋǧystau oblystyq auruhanasynda jatyr. Bortserık öz elınen kelgen delegasiiany körgende, köz jasyn toqtata almaǧan.Aidana Ragimli - Bakuden Groznyiǧa ūşqan, bıraq Aqtau äuejaiyna üş şaqyrym jerde qūlaǧan Azerbaijan Airlines äue kompaniiasynyŋ apatqa ūşyraǧan ūşaǧynda bolǧandardyŋ bırı.
Onyŋ äkesı Vagif Ragimli apat turaly jaŋalyqtardan bılgenın aitty.«Men qaitys bolǧandar tızımınde Aidananyŋ esımın kördım. Sodan balam telefon soǧyp, ol mıngen ūşaqtyŋ qūlaǧanyn aitty. Aiaǧymnyŋ astynan jer joǧalyp kettı. Keiınırek ekı ekipaj müşesınıŋ aman qalǧany, onyŋ bırı menıŋ qyzym ekenı habarlandy. Men «Azerbaycan Airlines» (AZAL) kompaniiasyna habarlastym. Senım telefony onyŋ jaǧdaiynyŋ jaqsy ekenın, onyŋ därıgerlerdıŋ baqylauynda ekenın rastady», - dedı ol.Äkesı Aidananyŋ halyqaralyq qatynastar mamandyǧy boiynşa Harkov qalasynda (Ukraina) joǧary bılım alǧanyn aitty. Onyŋ AZAL-da jūmys ıstegenıne tört aiǧa juyqtaǧan.
« Onyŋ ūşularynyŋ köpşılıgı qysqa qaşyqtyqta boldy. Mysaly, ol Nahchyvanǧa bırneşe ret ūşyp kelgen. Men soŋǧy reis turaly eşteŋe bılmedım », - dep atap öttı Aidananyŋ äkesı.Äkesı qyzymen telefon arqyly söileskenın aitty.
«Şynymdy aitsam, men oǧan ūşyp, barǧym keldı. Bıraq kompaniia mūnyŋ qajetı joq ekenın, onyŋ üstıne tuystaryn da auruhanaǧa kırgızbeitının aitty. Olar maǧan nömır berdı, men Aidanamen söilestım. Ol jylap otyrdy... Basynan ötken qaiǧyly oqiǧadan keiın qyzy älı esın jimaǧan edı. Aidana janyp jatqan adamdardy öz közımen körıp, közıne jas alǧanyn aityp berdı. Ol şok küiınde, onymen psihologtar jūmys ısteude. Bırneşe kündık psihologiialyq qoldaudan keiın ol üiıne jetkızıledı», - dep qosty stiuardessanyŋ äkesı.Aita keteiık, 25 jeltoqsanda Aqtau maŋynda Bakuden Groznyiǧa ūşyp bara jatqan Azerbaijan Airlines äuekompaniiasyna tiesılı Embraer 190 ūşaǧy apatqa ūşyrady. Ūşaqta 69 adam, onyŋ ışınde 5 ekipaj müşesı bolǧan. Onyŋ 29-y tırı qalǧan. Zardap şekken 27 adam auruhanaǧa jetkızılgen. Onyŋ 11-ı jansaqtau bölımıne tüsken. Ekipaj müşelerınen Aidana Ragimliden basqa stiuard Zūlpyqar Asadov ta tırı qalǧan, zardap şekken. Zardap şekkender arasynda 15 Äzerbaijan azamaty, 9 Resei azamaty, 2 Qyrǧyzstan azamaty bar. Taǧy üş adamnyŋ azamattyǧy naqtylanuda. Apatqa ūşyraǧan ūşaqtaǧy Qazaqstannyŋ alty azamatynyŋ altauy da qaza tapqan.
Ūqsas jaŋalyqtar
