Atyraý oblysynyń ákimi Mahambet Dosmuhambetov Japonııa astanasy Tokıoda ótetin Jazǵy Olımpıada jáne paralımpıada oıyndaryna joldama jeńip alǵan atyraýlyq sportshylar – Denız Jansel, Nurlan Dombaev pen Erjan Sálimgereevti qabyldap, aldaǵy alamanda aq jol tiledi.
Sportshylarmen kezdesýde Atyraý oblysynyń ákimi sporttan álemdik alamanǵa lıenzııa alý men qatysýdyń ózi úlken jetistik ekenin atap ótti.
«Nurlan, Erjan jáne Janseldi Tokıo Olımpıadasyna joldama alýlarymen shyn júrekten quttyqtaımyn! Jalpy, Táýelsizdiktiń otyz jylynda jerlesterimiz jazǵy Olımpıada oıyndarynan eki medal enshiledi. 2008 jyly Pekın Olımpıadasynda taekvondoshy Arman Chılmanov qola, al 2016 jyly Rıo Olımpıadasynda aýyr atletimiz Nıdjat Rahımov altyn alyp, chempıon atandy. Bul tek Atyraý ǵana emes, Qazaqstan úshin zor mártebe boldy. Sizder de sol jeńisti joldy jalǵastyryp, jeńil baryp, aýyr qaıtatyndaryńyzǵa senemin!»,-dedi oblys basshysy Mahambet Dosmuhambetov.
Sonymen qatar, oblys ákimi sportshylarymyzdyń baby kelisip, baǵy janýynda bapkerlerdiń de eńbegi zor ekenine toqtalyp, arnaıy alǵysyn bildirdi.
Óz kezeginde joldama alǵan sportshylar qurmet pen senim bildirgeni úshin oblys basshysyna rızashylyqtaryn jetkizdi. Almatyda daıyndalyp jatqan Denız Jansel karantın talaptaryna sáıkes kele almaı, kezdesýge onlaın qatysty. Nurlan Dombaevtyń jeke jattyqtyrýshysy Asan Kasaevtyń aıtýynsha, sportshylar ózderine artylǵan úkili úmitti sózben emes, ispen dáleldeýge baryn salady.
Kezdesý sońynda sportshylar men olardyń bapkerlerine aımaq basshysynyń Alǵys haty men qarjylaı sertıfıkattar tabys etildi.
