Soltústik Qazaqstanda Obýhov taý-ken baıytý kombınatynda óndirilgen ónimderdi tasymaldaýǵa jergilikti polıııa kedergi keltirip, sonyń saldarynan kásiporynnyń jumysy toqtap qalǵan. Eksporttyń arqasynda jalaqy alyp otyrǵan jumysshylar endi jumyssyz qalatyndaryna alańdaýly dep habarlaıdy "Adyrna" ulttyq portaly "Eýrazııa" birinshi arnasyna silteme jasap.
Bızneske negizsiz kedergi keltirdi dep shaǵymdanǵan kombınat jumysshylary endi el Prezıdentine hat joldamaq.
Olar jergilikti polıııa kásiporyn aýmaǵynan shyqqan shıkizatty dittegen jerine jetkizbesten, jolaı tárkilep jatqanyn aıtady. Júk tasymaldaıtyn kólikterdiń jolyna ne sebepti tosqaýyl qoıylǵanyn quzyrly oryndar mardymdy túsindirmegen.
"3 maýsymnan beri kún saıyn bizdiń júk tasymaldaıtyn kólikter toqtatylady. Sebebi túsindirilip jatqan joq. Prokýrordyń tapsyrmasy degen ýáj aıtyp otyr. Eger konentratty eksporttaı almasaq jumyskerlerdiń de jalaqysyn bere almaımyz. Aldyńǵy kúni túnde polıııa konentratty taǵy da alyp qoıdy", — deıdi Obýhov taý-ken baıytý kombınatynyń dırektory Danıl Dolgalev.
80 tonna ırkonıı konentraty temirjol arqyly Reseı men Qytaıǵa eksporttalýy tıis edi. Biraq 17 mln teńgeniń taýary qazir polıııa bólimshesiniń aýmaǵynda qańtarylyp tur. Al quzyrly oryndar biz bar bolǵany sottyń úkimin oryndap otyrmyz dep aqtalýda.
"Taıynsha aýdandyq polıııa bólimi óndirisinde sottyń úkimin oryndamaý boıynsha, qylmystyq is bar. Sol qylmystyq is boıynsha keshe avtokólikter toqtatatylyp, zattyq dáleldemeler tárkilendi. Qazirgi ýaqytta qylmystyq is boıynsha tergeý áreketteri júrgizilýde. Qalǵan aqparat jarııalanýǵa jatpaıdy", — deıdi Taıynsha aýdandyq polıııa bólimi bastyǵynyń orynbasary Qaırat Hasenov.
Osylaısha seriktestik dırektoryna qatysty qozǵalǵan qylmystyq istiń kesiri 500-ge tarta qyzmetkerdiń de degbirin qashyrǵan. Aldaǵy ýaqytta mundaı kedergiler jalǵasa beretin bolsa, zaýyttyń jumysy turalap, tipti jabylyp ta qalýy múmkin. Birneshe jyldan beri ken ornynda nápaqasyn taýyp otyrǵan turǵyndar endi Prezıdentten kómek suraýǵa májbúr.
Aıta ketý kerek, Obýhov taý-ken baıytý kombınaty — elimizdegi biregeı ken oryndarynyń biri. Munda tıtan-ırkonıı óndirilip, syrt memleketterge eksporttalady. Atalmysh seriktestik jalaqy kórsetkishi boıynsha da óńirde birinshi orynda.
"Adyrna" ulttyq portaly.
