Túrkııada ormannan bastalǵan órt demalys aımaǵyna deıin jetip, tilsiz jaýdyń kesirinen tórt adam opat boldy dep habarlaıdy "Adyrna" ulttyq portaly «Eýrazııa» birinshi arnasyna silteme jasap.
28 shildede bastalǵan qyzyl jalyn 42 aýdanǵa taralyp úlgergen. Tipti, jergilikti bılik ókilderi demalys oryndaryndaǵy týrısterdi evakýaııalaýǵa májbúr. Apat saldarynan tórt adam qaza taýyp, jergilikti halyqtyń tórt túligi qyrylýda. Túrkııa bıligi Antalıadan 76 shaqyrym jerdegi Manavgat aımaǵynda órt qatty taralǵanyn aıtýda. Alaıda ortalyǵyna jetpegen.
"Órt Antalıanyń ortalyǵynda emes, Antalıanyń shetki aýdandarynda boldy. Qazirgi ýaqytta Manavgat degen qalada tórt núktede bolyp jatyr. Búginge deıin órtti sóndire almady. Týra qasymyzda bolyp jatqan jaǵdaı 1-2 saǵattyq jolda", — deıdi stýdent Dana Isaeva.
Órt ortalyqqa jaqyndamaǵanymen, orman mańynda ornalasqan aımaqtardaǵy demalys oryndaryn sharpyǵan. Dereý arada olardy evakýaııalap qaýipsiz jerge kóshirý jumystary júrgizilýde. Al Bodrým qalasynda tutanǵan qyzyl jalyndy órt sóndirýshiler dereý arada sóndiripti. Barlyq týrıster qonaq úılerine qaıtyp, eshkim zardap shekpegen.
"Antalıadaǵy órt kezinde zardap shekkenderdiń arasynda Qazaqstan Respýblıkasynyń azamattary joq. Bizdiń konsýldyq jergilikti bılikpen árkez baılanysta. Tótenshe jaǵdaı kezinde nemese oqys jaǵdaıǵa tap bolǵan otandastarymyzǵa birden týroperatorlarǵa nemese bizdiń konsýldyqqa shuǵyl habarlasýyn suraımyz", — deıdi QR Syrtqy Ister Mınıstrliginiń resmı ókili Aıbek Smadııarov.
Eldiń biraz jerin sharpyǵan alapat órtti Túrkııa bıligi ulttyq apat dep atady. Qazirgi ýaqytta qyzyl jalynnyń naqty neden shyqqany anyqtalýda. 71 órt oshaǵynyń 57-si aýyzdyqtalǵan. Al tilsiz jaýmen myńnan astam tehnıka jáne Reseıdiń úsh ushaǵy kúresýde.
"Adyrna" ulttyq portaly.
