Jańaózen qalasynda búgingi tańda birneshe áleýmettik nysan boı kóterip, halyq ıgiligine berilýde. Sonyń biri — ottegi stansasy.
Koronavırýs ınfekııasynyń órshýine baılanysty Jańaózen qalasyna ottegi stansasy kerek. Qalanyń epıdemıolog dárigeri Oryngúl Joldybaevanyń aıtýynsha, aýrýhanada jatqan naýqastardyń 90%-y ottegige táýeldi.
«Jańaózende koronavırýspen aýyryp jatqandar sany 200-den asady. Munaıshy bólimshesinde 84 naýqas jatyr. Terapııalyq korpýsta 100-den astam adam, balalarǵa arnalǵan bólimde 12 bala jáne 8 naýqas reanımaııa bóliminde jatyr. Osy aıda 15 ólim tirkeldi. Aýrýhanada jatqan naýqastardyń deni aýyr halde. Sondyqtan olardy ottegimen qamtýymyz kerek. Osy baǵytta jaqyn arada aýrýhanamyzdyń janynan ottegi stansasy iske qosylady. Bul - emdelýshilerimizge úlken kómek bolǵaly tur», -dedi Jańaózen kópbeıindi aýrýhanasynyń dáriger-epıdemıology Oryngúl Joldybaeva.
«Ózenmunaıgaz» AQ-nyń qarjylandyrýymen provızorlyq ortalyqqa aınalǵan bul aýrýhanada búgingi tańda MRT, KT, jyljymaly ıfrly rentgen apparaty bar.
Sondaı-aq, provızorlyq ortalyq syrtyna árqaısysynda 12 ottegi ballony bar eki konýstyq blok ornatylǵan. Jańadan ornatylǵan ottegi stansasy da munaı mekemesiniń demeýshiligimen júzege asyrylyp jatyr. Quny — 57 mıllıon 775 myń teńge.
Qazirgi tańda saǵatyna 10 sharshy metr taza ottegi óndirýge qaýqarly ottegi stansasyna montajdaý jumystary júrgizilýde.
"Adyrna" ulttyq portaly.
