Aqtóbe oblysynyń Hromtaý qalasynda qorǵanys isteri jónindegi departamentiniń janynan zamanaýı talaptarǵa saı salynyp jatqan áskerge shaqyrý pýnktiniń ǵımaraty aıaqtalýǵa jaqyn. Bul – el táýelsizdiginiń 30 jyldyǵyna oraı salynyp jatqan elimizdegi qorǵanys salasyndaǵy iri jobalardyń biri.
Atalǵan ǵımarat bıyl tamyz aıynyń aıaǵynda, ıaǵnı Qazaqstan Respýblıkasy Konstıtýııasy kúnine oraı ashylmaq.
Aqtóbe oblystyq qorǵanys isteri jónindegi departamentiniń bastyǵy podpolkovnık Ádilet Otarbaevtyń aıtýynsha, Hromtaý qalasynda salynyp otyrǵan áskerge shaqyrý pýnkti — sońǵy úlgidegi talaptarǵa saı salynyp otyrǵan ǵımarattardyń alǵashqysy. Kelesi kezekte josparda Shalqar aýdandyq qorǵany isteri jónindegi departamentiniń jańa ǵımaraty bar. Bul qurylystyń da jobalyq-smetalyq qujattary daıyn tur.
Ǵımaratta áskerge shaqyrylýshylardy medıınalyq tekseristen ótkizýge arnalǵan arnaıy dárigerlik komıssııa jumysy úshin barlyq jaǵdaılar qarastyrylǵan. Sonymen qatar, onyń ishinde áskerı-patrıottyq bólmesi de bolady. Munda óńirde áskerı boryshyn atqarǵan azamattarymyz týraly, qaı ásker túrleri men tekterinde qyzmet atqarǵany, olardyń áskerdegi jetistikteri týraly da maǵlumattar saqtalady, aqparattar beriletin bolady.
— Áskerı-patrıottyq, úgit-nasıhat jumystardyń belsendi júrgizilýi áskerge shaqyrylýshy azamattardyń óz Otanyn qorǵaýǵa degen jaýapkershiligine áser etetin mańyzdy faktorlardyń biri. Sondyqtan arnaıy osyndaı aqparattyq bólme arnaýdy jón kórdik,– deıdi Aqtóbe oblysy Hromtaý aýdanynyń qorǵanys isteri jónindegi bólim bastyǵy podpolkovnık Rýslan Baltemirov.
Onyń aıtýynsha, Hromtaý aýdanynan jyl saıyn 150-ge jýyq azamat áskerı mindetin atqarýǵa attanady. Aqtóbe oblysynyń Hromtaý qalasy óndiris orny ornalasqan bolashaǵy mol qala ekenin eskersek, keleshekte bul kórsetkish budan da artatyny anyq.
Aıta ketý kerek, búginde Qarýly Kúshterdi kelisim shartty áskerı qyzmetke shaqyrylýshylarmen qamtamasyz etý, Qarýly Kúshterdiń rezervin qurý jumyldyrý jumystary da osy qorǵanys isteri departamentteri arqyly jyl boıy úzdiksiz júrgizilip otyrady. Sondyqtan áskerge shaqyrý pýktiniń jańa ǵımaratynyń salynýy kún tártibindegi kezek kúttirmes mańyzdy másele bolyp tabylady.
Bıylǵy jyly áskerge shaqyrylýshylar qataryna Aqtóbe qalasynan jáne oblys aýdandarynan 3 myńnan astam azamat tirkelgen. Áskerge shaqyrý naýqany kóktem jáne kúz mezgilderinde ótkiziletini belgili. Jyl saıyn oblystan 2 myńǵa jýyq sarbaz Ulttyq qaýipsizdik komıtetine, shekara qyzmetine jáne Ulttyq ulanǵa áskerı boryshyn óteýge attanady. Kelisimshart boıynsha elimizde 30 jasqa deıin áskerı qyzmetke, 32 jasqa deıin ofıerlik nemese aǵa serjant laýazymdaryna taǵaıyndalýǵa múmkindik berilgen.
"Adyrna" ulttyq portaly.
