«Qaıtalaý ilim anasy» degen sóz bar. Bul tek qana bilim salasyna emes, kez kelgen daǵdyny qaıtalaýǵa arnalǵan sóz. Uly sóz. Áskerı sala da bul sózdi óz prınıpi etedi. Mine, sol maqsatta únemi áskerı daıyndyqtar ótkizip, urys jaǵdaıyna daıyndyqty pysyqtap, qaıtalap otyrady. Mysaly naýryz-maýsym aılarynda elimizdegi barlyq áskerı bólimsheler men áskerı daıyndyq oryndarynda 3 myńǵa jýyq jattyǵý uıymdastyrylǵan. Onyń ishinde iri áskerı jattyǵýlar, kúndelikti atys jattyǵýlary jáne taǵy basqa áskerı is-qımyldar bar.
Shilde aıynda da bul jattyǵýlar óz jalǵasyn tapty. 23-shilde kúni Qorǵanys mınıstrliginde Qorǵanys mınıstriniń birinshi orynbasary - Qazaqstan Respýblıkasy Qarýly Kúshteri Bas shtabynyń bastyǵy, general-leıtenant Murat Bektanovtyń basshylyǵymen kezdesý ótti. Selektorlyq rejımde Qarýly Kúshter qyzmetteriniń bas qolbasshylary, Qarýly Kúshter fılıaldarynyń qolbasshylary men aımaqtyq qolbasshylyq áskerleri, qurylymdyq bólimshelerdiń basshylary jaýyngerlik daıyndyq barysy týraly habarlady.
Kovıdqa qarsy sharalardy da áskerde júrgizý mańyzdy. Sebebi saý jaýynger tynysh memleket pen berik shekara degen sóz. Qazirgi ýaqytta Qazaqstannyń Qarýly Kúshteri COVID-19-qa qarsy is-sharalardy júzege asyrýdy jalǵastyrýda. Áskerı bólimder men mekemeler qajetti qorǵanys quraldarymen jáne medıınalyq quraldarmen qamtamasyz etilgen, epıdemııaǵa qarsy jáne sanıtarlyq-profılaktıkalyq sharalar qoldanylady. Vakınaııa jalǵasýda. Vakınanyń birinshi komponentin personaldyń 99 paıyzy qabyldady, ekinshisine 92 paıyz vakına egildi.
Sanıtarlyq-epıdemıologııalyq sharalar men karantındik talaptardyń qatań saqtalýyna qaramastan, jazǵy daıyndyq kezeńiniń esepti kezeńine arnalǵan jaýyngerlik daıyndyq sharalary tolyq kólemde júrgizildi. Jaýyngerlik daıyndyqtyń negizgi mindetteri áskerlerdiń jaýyngerlik daıyndyq deńgeıi men jaýyngerlik tıimdiligin arttyrý jáne qaýipsizdik sharalaryn qatań saqtaý bolyp otyr.
5000-nan astam atys jyttyǵýy, onyń ishinde 1500-den astamy túnde ótti. Áskerı qyzmetshiler 2 myńǵa jýyq parashıýtpen sekirýdi iske asyrdyǵ sonymen qatar 40-tan astam dalalyq aımaqta urys júrgizý jattyǵýlary ótti. Bulardyń qataryna 13 jaıaý marsh pen 10-nan astam urys qımyldaryn qosyńyz. Áskerı ushqyshtar 100-ge jýyq ushý jattyǵýlaryn, al teńiz matrostaryn 200-den astam keme jattyǵýlaryn jasady. Bunyń barlyǵy derlik jaýyngerlerdiń áskerı qabiletin arttyryp, shynyqtyrady.
General-leıtenant Murat Bektanov Qorǵanys mınıstrligi Áskerı-áýe kúshteri men áýe shabýylyna qarsy qorǵanys mamandarynyń ushý sapasyn jáne tehnıkalyq daıyndyǵyn arttyrýǵa erekshe nazar aýdaratynyn eske saldy. Jyl saıyn áskerı kadrlardy daıarlaýdyń formalary men ádisteri, bólimshelerdi, áskerı bólimderdi úılestirý jetildirilýde. Vzvodtar men rota komandırleriniń ádistemelik saýattylyǵyna basa nazar aýdarylyp keledi.
Qarýly Kúshterde 30 myńnan astam maman óz mamandyǵy boıynsha daıarlyqtan ótti. Sapaly oqytý úshin 2600-den astam oqý toby quryldy, tıisti ádistemelik daıarlyǵy bar tájirıbeli nusqaýshylar anyqtaldy. Bul árekettiń bári bizdiń jaýyngerlerimizdi syn saǵatta quryshtaı etip, el qorǵany jasaıtyny anyq.
"Adyrna" ulttyq portaly
