Qytaıdyń ortalyq aımaǵynda nóser saldarynan sý tasqyny bolýda. Chjenchjoý qalasynyń metrosyn sý basyp, 12 jolaýshy qaza tapty. Metrodan 500 jolaýshyny qutqarýdyń sáti túsken. Jalpy alǵanda ortalyq aımaqtan 200 myń adam qaýipsiz aımaqqa kóshirilgen.
Hinhua agenttiginiń habarlaýynsha Chjenchjoý qalasyna 24 saǵattyń ishinde 457,5 mm deńgeıindegi jaýyn jaýǵan. Bul atalmysh qaladaǵy jańa rkeord bolyp tabylady.
Qatty jaýyn áserinen Qytaıdyń ortalyq aımaǵyndaǵy kólik qatynastary toqtap, el ekonomıkasyna aıtarlyqtaı shyǵyn kelgen. Sınoptıkter nóserdiń kólemin 1000 jyl ishindegi eń kólemdisi dep atap otyr. Jaýyn toqtamasa, aýyl sharýashylyǵyna mańyzdy alqaptardy shaıyp ketýdiń qaýpi bar.
"Adyrna" ulttyq portaly
